सुन्दरकाण्ड दोहा हिंदी में (Sundarkand Doha Lyrics In Hindi)
॥ दोहा 25 ॥
हरि प्रेरित तेहि अवसर चले मरुत उनचास, अट्टहास करि गर्जा कपि बढ़ि लाग अकास।
॥ चौपाई ॥
देह बिसाल परम हरुआई। मंदिर तें मंदिर चढ़ धाई॥
जरइ नगर भा लोग बिहाला। झपट लपट बहु कोटि कराला॥
तात मातु हा सुनिअ पुकारा। एहिं अवसर को हमहि उबारा॥
हम जो कहा यह कपि नहिं होई। बानर रूप धरें सुर कोई॥
साधु अवग्या कर फलु ऐसा। जरइ नगर अनाथ कर जैसा॥
जारा नगरु निमिष एक माहीं। एक बिभीषन कर गृह नाहीं॥
ताकर दूत अनल जेहिं सिरिजा। जरा न सो तेहि कारन गिरिजा॥
उलटि पलटि लंका सब जारी। कूदि परा पुनि सिंधु मझारी॥
॥ दोहा 26 ॥
पूँछ बुझाइ खोइ श्रम धरि लघु रूप बहोरि, जनकसुता कें आगें ठाढ़ भयउ कर जोरि।
॥ चौपाई ॥
मातु मोहि दीजे कछु चीन्हा। जैसें रघुनायक मोहि दीन्हा॥
चूड़ामनि उतारि तब दयऊ। हरष समेत पवनसुत लयऊ॥
कहेहु तात अस मोर प्रनामा। सब प्रकार प्रभु पूरनकामा॥
दीन दयाल बिरिदु संभारी। हरहु नाथ सम संकट भारी॥
तात सक्रसुत कथा सनाएहु। बान प्रताप प्रभुहि समुझाएहु॥
मास दिवस महुँ नाथु न आवा। तौ पुनि मोहि जिअत नहिं पावा॥
कहु कपि केहि बिधि राखौं प्राना। तुम्हहू तात कहत अब जाना॥
तोहि देखि सीतलि भइ छाती। पुनि मो कहुँ सोइ दिनु सो राती॥
॥ दोहा 27 ॥
जनकसुतहि समुझाइ करि बहु बिधि धीरजु दीन्ह, चरन कमल सिरु नाइ कपि गवनु राम पहिं कीन्ह।
॥ चौपाई ॥
चलत महाधुनि गर्जेसि भारी। गर्भ स्रवहिं सुनि निसिचर नारी॥
नाघि सिंधु एहि पारहि आवा। सबद किलिकिला कपिन्ह सुनावा॥
हरषे सब बिलोकि हनुमाना। नूतन जन्म कपिन्ह तब जाना॥
मुख प्रसन्न तन तेज बिराजा। कीन्हेसि रामचन्द्र कर काजा॥
मिले सकल अति भए सुखारी। तलफत मीन पाव जिमि बारी॥
चले हरषि रघुनायक पासा। पूँछत कहत नवल इतिहासा॥
तब मधुबन भीतर सब आए। अंगद संमत मधु फल खाए॥
रखवारे जब बरजन लागे। मुष्टि प्रहार हनत सब भागे॥
॥ दोहा 28 ॥
जाइ पुकारे ते सब बन उजार जुबराज, सुनि सुग्रीव हरष कपि करि आए प्रभु काज।
॥ चौपाई ॥
जौं न होति सीता सुधि पाई। मधुबन के फल सकहिं कि काई॥
एहि बिधि मन बिचार कर राजा। आइ गए कपि सहित समाजा॥
आइ सबन्हि नावा पद सीसा। मिलेउ सबन्हि अति प्रेम कपीसा॥
पूँछी कुसल कुसल पद देखी। राम कृपाँ भा काजु बिसेषी॥
नाथ काजु कीन्हेउ हनुमाना। राखे सकल कपिन्ह के प्राना॥
सुनि सुग्रीव बहुरि तेहि मिलेऊ।कपिन्ह सहित रघुपति पहिं चलेऊ॥
राम कपिन्ह जब आवत देखा। किएँ काजु मन हरष बिसेषा॥
फटिक सिला बैठे द्वौ भाई। परे सकल कपि चरनन्हि जाई॥
॥ दोहा 29 ॥
प्रीति सहित सब भेंटे रघुपति करुना पुंज, पूछी कुसल नाथ अब कुसल देखि पद कंज।
॥ चौपाई ॥
जामवंत कह सुनु रघुराया। जा पर नाथ करहु तुम्ह दाया॥
ताहि सदा सुभ कुसल निरंतर। सुर नर मुनि प्रसन्न ता ऊपर॥
सोइ बिजई बिनई गुन सागर। तासु सुजसु त्रैलोक उजागर॥
प्रभु कीं कृपा भयउ सबु काजू। जन्म हमार सुफल भा आजू॥
नाथ पवनसुत कीन्हि जो करनी। सहसहुँ मुख न जाइ सो बरनी॥
पवनतनय के चरित सुहाए। जामवंत रघुपतिहि सुनाए॥
सुनत कृपानिधि मन अति भाए। पुनि हनुमान हरषि हियँ लाए॥
कहहु तात केहि भाँति जानकी। रहति करति रच्छा स्वप्रान की॥
॥ दोहा 30 ॥
नाम पाहरू दिवस निसि ध्यान तुम्हार कपाट, लोचन निज पद जंत्रित जाहिं प्रान केहिं बाट।
॥ चौपाई ॥
चलत मोहि चूड़ामनि दीन्हीं। रघुपति हृदयँ लाइ सोइ लीन्ही॥
नाथ जुगल लोचन भरि बारी। बचन कहे कछु जनककुमारी॥
अनुज समेत गहेहु प्रभु चरना। दीन बंधु प्रनतारति हरना॥
मन क्रम बचन चरन अनुरागी। केहिं अपराध नाथ हौं त्यागी॥
अवगुन एक मोर मैं माना। बिछुरत प्रान न कीन्ह पयाना॥
नाथ सो नयनन्हि को अपराधा। निसरत प्रान करहिं हठि बाधा॥
बिरह अगिनि तनु तूल समीरा। स्वास जरइ छन माहिं सरीरा॥
नयन स्रवहिं जलु निज हित लागी। जरैं न पाव देह बिरहागी॥
सीता कै अति बिपति बिसाला। बिनहिं कहें भलि दीनदयाला॥
सुन्दरकाण्ड दोहा अंग्रेजी में (Sundarkand Doha Lyrics In English)
॥ Dohaa 25 ॥
Hari Prerit Tehi Avsar Chale Marut Unchaas, Atthaas Kari Garja Kapi Badhi Laag Akaas।
॥ Chaupai ॥
Deh Bisaal Param Haruaai। Mandir Te Mandir Chadh Dhaai॥
Jarai Nagar Bhaa Log Bihala। Jhapat Lapata Bahu Koti Karaala॥
Taat Maatu Ha Suniye Pukaara। Eh Avsar Ko Hamahi Ubaara॥
Ham Jo Kaha Yeh Kapi Nahin Hoi। Baanar Roop Dharen Sur Koi॥
Saadhu Avgya Kar Phalu Aisa। Jarai Nagar Anaath Kar Jaisa॥
Jaara Nagar Nimish Ek Maahi। Ek Bibheeshan Kar Grih Naahi॥
Taakar Doot Anal Jehi Sirija। Jara Na So Tehi Kaaran Girija॥
Ulatti Palatti Lanka Sab Jaari। Koodi Para Puni Sindhu Majhaari॥
॥ Dohaa 26 ॥
Poonch Bujhaai Khoi Shram Dhari Laghu Roop Bahori, Janak Suta Ke Aage Thaad Bhayu Kar Jori।
॥ Chaupai ॥
Maatu Mohi Deeje Kachhu Cheenha। Jaisen Raghunayak Mohi Deenha॥
Choodaamani Utaari Tab Dayu। Harash Samet Pavan Sut Layu॥
Kahehu Taat As Mor Pranaama। Sab Prakaar Prabhu Poornakaama॥
Deen Dayaal Biridu Sambhaari। Harahu Naath Sam Sankat Bhaari॥
Taat Sakrasut Katha Sanaayeihu। Baan Pratap Prabhuhi Samujhaayeihu॥
Maas Divas Mahu Nathu Na Aavaa। Tau Puni Mohi Jiyat Nahin Paavaa॥
Kahu Kapi Kehi Bidhi Raakhon Praana। Tumahu Taat Kahat Ab Jaana॥
Tohi Dekhi Seetal Bhai Chaati। Puni Mo Kahum Soi Dinu So Raati॥
॥ Dohaa 27 ॥
Janak Sutahi Samujhaai Kari Bahu Bidhi Dheeraju Deen, Charan Kamal Siru Naae Kapi Gavanu Raam Pahin Keenh।
॥ Chaupai ॥
Chalat Mahadhuni Garjesi Bhaari। Garbh Sravahi Suni Nisichar Naari॥
Naaghi Sindhu Ehi Paarhi Aavaa। Sabad Kilikila Kapin Sunaavaa॥
Harashe Sab Biloki Hanumana। Nootan Janam Kapin Tab Jaana॥
Mukh Prasann Tan Tej Biraaja। Keenhesi Ramchandra Kar Kaaja॥
Mile Sakal Ati Bhae Sukhaari। Talafat Mein Paav Jimi Baari॥
Chale Harashi Raghunayak Paasaa। Poonchat Kahat Naval Itihaasaa॥
Tab Madhuban Bheetar Sab Aaye। Angad Sammat Madhu Phal Khaaye॥
Rakhvaare Jab Barjan Laage। Mushti Prahara Hanat Sab Bhaage॥
॥ Dohaa 28 ॥
Jai Pukaare Te Sab Ban Ujaar Jubaraj, Suni Sugreev Harash Kapi Kari Aaye Prabhu Kaaj।
॥ Chaupai ॥
Jaun Na Hoti Seeta Sudhi Paai। Madhuban Ke Phal Sakahi Ki Kaai॥
Ehi Bidhi Man Bichaar Kar Raaja। Aai Gaye Kapi Sahit Samaajaa॥
Aai Sabnhi Naavaa Pad Siisaa। Mileu Sabnhi Ati Prem Kapisa॥
Poonchi Kusal Kusal Pad Dekhi। Ram Kripa Bhaa Kaaju Biseeshi॥
Naath Kaaju Keenhu Hanumana। Raakhe Sakal Kapinh Ke Praana॥
Suni Sugreev Bahuri Tehi Mileu। Kapinh Sahit Raghubati Pahin Chaleu॥
Ram Kapinh Jab Aavat Dekhaa। Kiye Kaaju Man Harash Biseeshaa॥
Phatik Sila Baith Dvau Bhaai। Pare Sakal Kapi Charnanhi Jaai॥
॥ Dohaa 29 ॥
Preiti Sahit Sab Bhente Raghubati Karuna Punj, Poochi Kusal Naath Ab Kusal Dekhi Pad Kanj।
॥ Chaupai ॥
Jaamvant Kah Sunu Raghuraaya। Ja Par Naath Karhu Tumh Dayaa॥
Taahi Sadaa Subh Kusal Nirantar। Sur Nar Muni Prasann Taa Oopar॥
Soi Bijai Binai Gun Saagar। Taasu Sujasu Trailok Ujaagar॥
Prabhu Keem Kripa Bhayu Sabu Kaaju। Janam Hamaar Sufal Bhaa Aaju॥
Naath Pavan Sut Keenhi Jo Karni। Sahasahu Mukh Na Jaai So Barni॥
Pavantanay Ke Charit Suhaye। Jaamvant Raghupatihi Sunaaye॥
Sunat Kripaanidhi Man Ati Bhaaye। Puni Hanumaan Harashi Hiyaan Laaye॥
Kahahu Taat Kehi Bhaanti Jaanaki। Rahati Karati Rachchhaa Swapraan Ki॥
॥ Dohaa 30 ॥
Naam Paaharu Divas Nisi Dhyaan Tumhaar Kapaat, Lochan Nij Pad Jantrit Jaahi Pran Kehi Baat।
॥ Chaupai ॥
Chalat Mohi Choodaamani Deeni। Raghupati Hriday Laai Soi Leeni॥
Naath Jugal Lochan Bhari Baari। Bachan Kahe Kachhu Janak Kumari॥
Anuj Samet Gahehu Prabhu Charana। Deen Bandhu Pranataarati Harana॥
Man Kram Bachan Charan Anuraagi। Kehin Apraadh Naath Haun Tyagi॥
Avgun Ek Mor Main Maana। Bichurat Praan Na Keenhi Payaana॥
Naath So Nayanani Ko Apraadhaa। Nisarat Praan Karahi Hathi Baadhaa॥
Birah Agini Tanu Tula Sameera। Swaas Jarai Chhan Maahi Sareera॥
Nayan Sravahi Jalu Nij Hit Laagi। Jarai Na Paav Deh Birahaagi॥
Seeta Kai Ati Bipati Bisaala। Binaahi Kehen Bhali Deen Dayaala॥
Singer - Rasraj Ji Maharaj
और भी देखे :-
- सालासर जाउंगा महिमा तेरी गाउंगा (Salasar Jaunga Mahima Teri Gaunga)
- बजरंग बाला जपूँ थारी माला (Bajrang Bala Japun Thari Mala)
- बाबा दबंग बाबा दबंग लड़का
- प्यारा बजरंगी (Pyara Bajrangi)
- ओ कुटिया वाले बालाजी तेरा हो गया (O Kutiya Wale Balaji Tera Ho Gaya)
- बार बार मैं तुम्हे पुकारू (Bar Bar Mein Tumhe Pukaru)
- सुनो मेरे बालाजी (Suno Meri Balaji)
- भला सभी का करते बाला (Bhala Sabhi Ka Karte Bala)
- तुम याद करो अपना वो बालपन (Tum Yaad Karo Apna Wo Balpan)
- सालासर वाले की जय (Salasar Wale Ki Jai)
अगर आपको यह भजन अच्छा लगा हो तो कृपया इसे अन्य लोगो तक साझा करें।
