सुन्दरकाण्ड दोहा हिंदी में (Sundarkand Doha Lyrics In Hindi)
॥ दोहा 37 ॥
सचिव बैद गुर तीनि जौं प्रिय बोलहिं भय आस, राज धर्म तन तीनि कर होइ बेगिहीं नास।
॥ चौपाई ॥
सोइ रावन कहुँ बनी सहाई। अस्तुति करहिं सुनाइ सुनाई॥
अवसर जानि बिभीषनु आवा। भ्राता चरन सीसु तेहिं नावा॥
पुनि सिरु नाइ बैठ निज आसन। बोला बचन पाइ अनुसासन॥
जौ कृपाल पूँछिहु मोहि बाता। मति अनुरूप कहउँ हित ताता॥
जो आपन चाहै कल्याना। सुजसु सुमति सुभ गति सुख नाना॥
सो परनारि लिलार गोसाईं। तजउ चउथि के चंद कि नाईं॥
चौदह भुवन एक पति होई। भूत द्रोह तिष्टइ नहिं सोई॥
गुन सागर नागर नर जोऊ। अलप लोभ भल कहइ न कोऊ॥
॥ दोहा 38 ॥
काम क्रोध मद लोभ सब नाथ नरक के पंथ, सब परिहरि रघुबीरहि भजहु भजहिं जेहि संत।
॥ चौपाई ॥
तात राम नहिं नर भूपाला। भुवनेस्वर कालहु कर काला॥
ब्रह्म अनामय अज भगवंता। ब्यापक अजित अनादि अनंता॥
गो द्विज धेनु देव हितकारी। कृपा सिंधु मानुष तनुधारी॥
जन रंजन भंजन खल ब्राता। बेद धर्म रच्छक सुनु भ्राता॥
ताहि बयरु तजि नाइअ माथा। प्रनतारति भंजन रघुनाथा॥
देहु नाथ प्रभु कहुँ बैदेही। भजहु राम बिनु हेतु सनेही॥
सरन गएँ प्रभु ताहु न त्यागा। बिस्व द्रोह कृत अघ जेहि लागा॥
जासु नाम त्रय ताप नसावन। सोइ प्रभु प्रगट समुझु जियँ रावन॥
॥ दोहा 39 ॥
बार बार पद लागउँ बिनय करउँ दससीस, परिहरि मान मोह मद भजहु कोसलाधीस॥(क)।
मुनि पुलस्ति निज सिष्य सन कहि पठई यह बात, तुरत सो मैं प्रभु सन कही पाइ सुअवसरु तात॥(ख)॥
॥ चौपाई ॥
माल्यवंत अति सचिव सयाना। तासु बचन सुनि अति सुख माना॥
तात अनुज तव नीति बिभूषन। सो उर धरहु जो कहत बिभीषन॥
रिपु उतकरष कहत सठ दोऊ। दूरि न करहु इहाँ हइ कोऊ॥
माल्यवंत गह गयउ बहोरी। कहइ बिभीषनु पुनि कर जोरी॥
सुमति कुमति सब कें उर रहहीं। नाथ पुरान निगम अस कहहीं॥
जहाँ सुमति तहँ संपति नाना। जहाँ कुमति तहँ बिपति निदाना॥
तव उर कुमति बसी बिपरीता।हित अनहित मानहु रिपु प्रीता॥
कालराति निसिचर कुल केरी। तेहि सीता पर प्रीति घनेरी॥
॥ दोहा 40 ॥
तात चरन गहि मागउँ राखहु मोर दुलार, सीता देहु राम कहुँ अहित न होइ तुम्हारा।
॥ चौपाई ॥
बुध पुरान श्रुति संमत बानी। कही बिभीषन नीति बखानी॥
सुनत दसानन उठा रिसाई। खल तोहिं निकट मृत्यु अब आई॥
जिअसि सदा सठ मोर जिआवा। रिपु कर पच्छ मूढ़ तोहि भावा॥
कहसि न खल अस को जग माहीं। भुज बल जाहि जिता मैं नाहीं॥
मम पुर बसि तपसिन्ह पर प्रीती। सठ मिलु जाइ तिन्हहि कहु नीती॥
अस कहि कीन्हेसि चरन प्रहारा। अनुज गहे पद बारहिं बारा॥
उमा संत कइ इहइ बड़ाई। मंद करत जो करइ भलाई॥
तुम्ह पितु सरिस भलेहिं मोहि मारा। रामु भजें हित नाथ तुम्हारा॥
सचिव संग लै नभ पथ गयऊ। सबहि सुनाइ कहत अस भयऊ॥
॥ दोहा 41 ॥
रामु सत्यसंकल्प प्रभु सभा कालबस तोरि, मैं रघुबीर सरन अब जाउँ देहु जनि खोरि।
॥ चौपाई ॥
अस कहि चला बिभीषनु जबहीं। आयू हीन भए सब तबहीं॥
साधु अवग्या तुरत भवानी। कर कल्यान अखिल कै हानी॥
रावन जबहिं बिभीषन त्यागा। भयउ बिभव बिनु तबहिं अभागा॥
चलेउ हरषि रघुनायक पाहीं। करत मनोरथ बहु मन माहीं॥
देखिहउँ जाइ चरन जलजाता। अरुन मृदुल सेवक सुखदाता॥
जे पद परसि तरी रिषनारी। दंडक कानन पावनकारी॥
जे पद जनकसुताँ उर लाए। कपट कुरंग संग धर धाए॥
हर उर सर सरोज पद जेई। अहोभाग्य मैं देखिहउँ तेई॥
॥ दोहा 42 ॥
जिन्ह पायन्ह के पादुकन्हि भरतु रहे मन लाइ, ते पद आजु बिलोकिहउँ इन्ह नयनन्हि अब जाइ।
॥ चौपाई ॥
ऐहि बिधि करत सप्रेम बिचारा। आयउ सपदि सिंदु एहिं पारा॥
कपिन्ह बिभीषनु आवत देखा। जाना कोउ रिपु दूत बिसेषा॥
ताहि राखि कपीस पहिं आए। समाचार सब ताहि सुनाए॥
कह सुग्रीव सुनहु रघुराई। आवा मिलन दसानन भाई॥
कह प्रभु सखा बूझिए काहा। कहइ कपीस सुनहु नरनाहा॥
जानि न जाइ निसाचर माया। कामरूप केहि कारन आया॥
भेद हमार लेन सठ आवा। राखिअ बाँधि मोहि अस भावा॥
सखा नीति तुम्ह नीकि बिचारी। मम पन सरनागत भयहारी॥
सुनि प्रभु बचन हरष हनुमाना। सरनागत बच्छल भगवाना॥
सुन्दरकाण्ड दोहा अंग्रेजी में (Sundarkand Doha Lyrics In English)
|| Doha 37 ||
Sachiv Baid Gur Teeni Jau Priy Bolhin Bhay Aas, Raaj Dharma Tan Teeni Kar Hoi Begihi Naas.
|| Chaupai ||
Soi Ravan Kahun Bani Sahaayi, Astuti Karhin Sunai Sunaayi,
Avasar Jaani Bibhishanu Aava, Bhrata Charan Seesu Teihin Naava.
Puni Siru Naai Baith Nij Aasan, Bola Bachan Paai Anusasan.
Jau Kripaal Poochhihu Mohi Baata, Mati Anuroop Kahau Hit Taata.
Jo Aapan Chaahai Kalyana, Sujasu Sumati Subh Gati Sukh Naana.
So Parnaari Lilaar Gosaai, Tajau Chau Thi Ke Chand Ki Naai.
Chaudah Bhuvan Ek Pati Hoi, Bhoot Droh Tishtai Nahin Soi.
Gun Saagar Nagar Nar Joou, Alap Lobh Bhal Kahai Na Koou.
|| Doha 38 ||
Kaam Krodh Mad Lobh Sab Naath Narak Ke Panth, Sab Parihari Raghubirahi Bhajahu Bhajahin Jehi Sant.
|| Chaupai ||
Taat Ram Nahin Nar Bhupaala, Bhuvanesvar Kaalahu Kar Kaala.
Brahm Anaamay Aj Bhagvanta, Byaapak Ajit Anadi Ananta.
Go Dvij Dhenudev Hitakaari, Kripa Sindhu Maanush Tanudhaari.
Jan Ranjan Bhanjan Khal Brata, Bed Dharma Rachchak Sunu Bhrata.
Taahi Bayru Taji Naaiya Maatha, Pranatarati Bhanjan Raghunatha.
Dehu Nath Prabhu Kahun Baideehi, Bhajahu Ram Binu Hetu Sanehi.
Saran Gayen Prabhu Taahu Na Tyaga, Bisva Droh Krit Agh Jehi Laaga.
Jaasu Naam Tray Taap Nasaavan, Soi Prabhu Pragat Samjhu Jiyan Ravan.
|| Doha 39 ||
Baar Baar Pad Laagun Binay Karun Dassees, Parihari Maan Moh Mad Bhajahu Kosalaadhees. (Ka).
Muni Pulasti Nij Sishya San Kahi Pathai Yeh Baat, Turat So Main Prabhu San Kahi Paai Suavasar Tata. (Kha).
|| Chaupai ||
Maalyavant Ati Sachiv Sayaana, Taasu Bachan Suni Ati Sukh Maana.
Taat Anuj Tav Neeti Bibhooshan, So Ur Darahu Jo Kahat Bibhishan.
Ripu Utkarsh Kahat Sat Doo, Doori Na Karahu Ihaan Hai Ko.
Maalyavant Gah Gayo Bahori, Kahai Bibhishan Puni Kar Jori.
Sumati Kumati Sab Ken Ur Rahahi, Nath Puran Nigam As Kahahi.
Jahan Sumati Tahan Sampati Naana, Jahan Kumati Tahan Bipati Nidaana.
Tav Ur Kumati Basi Bipareeta, Hit Anahit Maanahu Ripu Preeta.
Kaalarati Nisichar Kul Keri, Tehi Sita Par Preeti Ghaneri.
|| Doha 40 ||
Taat Charan Gahi Maagaun Raakhu Mor Dulaar, Sita Dehu Ram Kahun Ahit Na Hoi Tumhaara.
|| Chaupai ||
Budh Puran Shruti Sanmat Baani, Kahi Bibhishan Neeti Bakhaani.
Sunat Dasanan Utha Risaai, Khal Tohin Nikat Mrityu Ab Aai.
Jiyasi Sada Sat Mor Jiava, Ripu Kar Pachchh Mool Tohi Bhaava.
Kahasi Na Khal As Ko Jag Maahi, Bhuj Bal Jaahi Jita Main Naahi.
Mam Pur Basi Tapasinh Par Preeti, Sat Milu Jaai Tinhahi Kahu Neeti.
As Kahi Keheshi Charan Prahaara, Anuj Gahe Pad Baarahin Baara.
Uma Sant Kai Ihai Badaai, Mand Karat Jo Karai Bhalaai.
Tumh Pitu Saris Bhalehin Mohi Maara, Ramu Bhajen Hit Naath Tumhaara.
Sachiv Sang Lai Nabh Path Gayo, Sabahi Sunai Kahat As Bhayo.
|| Doha 41 ||
Ram Satyasankalp Prabhu Sabhaa Kalabas Tori, Main Raghubir Saran Ab Jaun Dehu Jani Khori.
|| Chaupai ||
As Kahi Chala Bibhishan Jabahin, Aayu Heen Bhae Sab Tabahin.
Sadhu Avgya Turat Bhavani, Kar Kalyan Akhil Kai Haani.
Ravan Jabahin Bibhishan Tyaga, Bhayu Bhiv Binu Tabahin Abhaaga.
Chaleu Harsh Raghu-naayak Pahi, Karat Manorath Bahu Man Maahi.
Dekhihun Jaai Charan Jaljaata, Arun Mridul Sevak Sukhdaata.
Je Pad Parasi Tari Rishnaari, Dandak Kanan Pavankari.
Je Pad Janaksuta Ur Laai, Kapat Kurang Sang Dhar Dhaai.
Har Ur Sar Saroj Pad Jei, Aho Bhagya Main Dekhihun Tei.
|| Doha 42 ||
Jinh Paayanh Ke Padukani Bharatu Rahe Man Laai, Te Pad Aaju Bilokihun In Nayanani Ab Jaai.
|| Chaupai ||
Aihi Biddhi Karat Saprem Bichaara, Aayau Sapadi Sindhu Ehi Paara.
Kapin Bibhishan Aavat Dekha, Jaana Kou Ripu Doot Bisesha.
Taahi Raakhi Kapis Pahin Aaye, Samaachar Sab Tahi Sunaaye.
Kah Sugreev Sunahu Raghuraai, Aava Milan Dasanan Bhaai.
Kah Prabhu Sakha Boojhie Kaaha, Kahai Kapis Sunahu Naranaha.
Jaani Na Jaai Nisachar Maaya, Kaamroop Kehi Kaaran Aaya.
Bhed Hamaar Len Sath Aava, Raakhiu Baandhi Mohi As Bhaava.
Sakha Neeti Tumh Neeki Bichaari, Mam Pan Saranagat Bhayahaari.
Suni Prabhu Bachan Harsh Hanumana, Saranagat Bachchal Bhagwaana.
Singer - Rasraj Ji Maharaj
और भी देखे :-
- तेरे दर पे खड़े (Tere Dar Pe Khade)
- श्री हनुमान चालीसा (Shree Hanuman Chalisa)
- सजा प्रेतराज दरबार बाला जी के मंदिर में (Saja PretRaj Darbar Balaji Ke Mandir Me)
- इधर अंजनी घर हनुमान जन्मे (Idhar Anjani Ghar Hanuman Janme)
- श्री हनुमान चालीसा (Shree Hanuman Chalisa)
- बाला सा थाने (Bala Sa Thaane)
- मेरे राम जी से कहियो (Ram Ji Se Ram Ram Kahiyo)
- श्री राम हनुमान संकीर्तन (Shree Ram Hanuman Sankirtan)
- बालाजी ने लाड लडावे माता अंजनी (Bala Ji Ne Lad Ladawe Mata Anjani)
- चर्चा मरघट वाले का (Charcha Marghat Wale Ka)
अगर आपको यह भजन अच्छा लगा हो तो कृपया इसे अन्य लोगो तक साझा करें।
