सुन्दरकाण्ड दोहा हिंदी में (Sundarkand Doha Lyrics In Hindi)
॥ दोहा 19 ॥
ब्रह्म अस्त्र तेहि साँधा कपि मन कीन्ह बिचार, जौं न ब्रह्मसर मानउँ महिमा मिटइ अपार।
॥ चौपाई ॥
ब्रह्मबान कपि कहुँ तेहिं मारा। परतिहुँ बार कटकु संघारा॥
तेहिं देखा कपि मुरुछित भयऊ। नागपास बाँधेसि लै गयऊ॥
जासु नाम जपि सुनहु भवानी। भव बंधन काटहिं नर ग्यानी॥
तासु दूत कि बंध तरु आवा। प्रभु कारज लगि कपिहिं बँधावा॥
कपि बंधन सुनि निसिचर धाए। कौतुक लागि सभाँ सब आए॥
दसमुख सभा दीखि कपि जाई। कहि न जाइ कछु अति प्रभुताई॥
कर जोरें सुर दिसिप बिनीता। भृकुटि बिलोकत सकल सभीता॥
देखि प्रताप न कपि मन संका। जिमि अहिगन महुँ गरुड़ असंका॥
॥ दोहा 20 ॥
कपिहि बिलोकि दसानन बिहसा कहि दुर्बाद, सुत बध सुरति कीन्हि पुनि उपजा हृदयँ बिसाद।
॥ चौपाई ॥
कह लंकेस कवन तैं कीसा। केहि कें बल घालेहि बन खीसा॥
की धौं श्रवन सुनेहि नहिं मोही। देखउँ अति असंक सठ तोही॥
मारे निसिचर केहिं अपराधा। कहु सठ तोहि न प्रान कइ बाधा॥
सुनु रावन ब्रह्मांड निकाया। पाइ जासु बल बिरचति माया॥
जाकें बल बिरंचि हरि ईसा। पालत सृजत हरत दससीसा॥
जा बल सीस धरत सहसानन। अंडकोस समेत गिरि कानन॥
धरइ जो बिबिध देह सुरत्राता। तुम्ह से सठन्ह सिखावनु दाता॥
हर कोदंड कठिन जेहिं भंजा। तेहि समेत नृप दल मद गंजा॥
खर दूषन त्रिसिरा अरु बाली। बधे सकल अतुलित बलसाली॥
॥ दोहा 21 ॥
जाके बल लवलेस तें जितेहु चराचर झारि, तास दूत मैं जा करि हरि आनेहु प्रिय नारि।
॥ चौपाई ॥
जानउँ मैं तुम्हारि प्रभुताई। सहसबाहु सन परी लराई॥
समर बालि सन करि जसु पावा। सुनि कपि बचन बिहसि बिहरावा॥
खायउँ फल प्रभु लागी भूँखा। कपि सुभाव तें तोरेउँ रूखा॥
सब कें देह परम प्रिय स्वामी। मारहिं मोहि कुमारग गामी॥
जिन्ह मोहि मारा ते मैं मारे। तेहि पर बाँधेउँ तनयँ तुम्हारे॥
मोहि न कछु बाँधे कइ लाजा। कीन्ह चहउँ निज प्रभु कर काजा॥
बिनती करउँ जोरि कर रावन। सुनहु मान तजि मोर सिखावन॥
देखहु तुम्ह निज कुलहि बिचारी। भ्रम तजि भजहु भगत भय हारी॥
जाकें डर अति काल डेराई। जो सुर असुर चराचर खाई॥
तासों बयरु कबहुँ नहिं कीजै। मोरे कहें जानकी दीजै॥
॥ दोहा 22 ॥
प्रनतपाल रघुनायक करुना सिंधु खरारि, गएँ सरन प्रभु राखिहैं तव अपराध बिसारि।
॥ चौपाई ॥
राम चरन पंकज उर धरहू। लंका अचल राजु तुम्ह करहू॥
रिषि पुलस्ति जसु बिमल मयंका। तेहि ससि महुँ जनि होहु कलंका॥
राम नाम बिनु गिरा न सोहा। देखु बिचारि त्यागि मद मोहा॥
बसन हीन नहिं सोह सुरारी। सब भूषन भूषित बर नारी॥
राम बिमुख संपति प्रभुताई। जाइ रही पाई बिनु पाई॥
सजल मूल जिन्ह सरितन्ह नाहीं। बरषि गएँ पुनि तबहिं सुखाहीं॥
सुनु दसकंठ कहउँ पन रोपी। बिमुख राम त्राता नहिं कोपी॥
संकर सहस बिष्नु अज तोही। सकहिं न राखि राम कर द्रोही॥
॥ दोहा 23 ॥
मोहमूल बहु सूल प्रद त्यागहु तम अभिमान, भजहु राम रघुनायक कृपा सिंधु भगवान।
॥ चौपाई ॥
जदपि कही कपि अति हित बानी। भगति बिबेक बिरति नय सानी॥
बोला बिहसि महा अभिमानी। मिला हमहि कपि गुर बड़ ग्यानी॥
मृत्यु निकट आई खल तोही। लागेसि अधम सिखावन मोही॥
उलटा होइहि कह हनुमाना। मतिभ्रम तोर प्रगट मैं जाना॥
सुनि कपि बचन बहुत खिसिआना। बेगि न हरहु मूढ़ कर प्राना॥
सुनत निसाचर मारन धाए। सचिवन्ह सहित बिभीषनु आए॥
नाइ सीस करि बिनय बहूता। नीति बिरोध न मारिअ दूता॥
आन दंड कछु करिअ गोसाँई। सबहीं कहा मंत्र भल भाई॥
सुनत बिहसि बोला दसकंधर। अंग भंग करि पठइअ बंदर॥
॥ दोहा 24 ॥
कपि कें ममता पूँछ पर सबहि कहउँ समुझाइ, तेल बोरि पट बाँधि पुनि पावक देहु लगाइ।
॥ चौपाई ॥
पूँछहीन बानर तहँ जाइहि। तब सठ निज नाथहि लइ आइहि॥
जिन्ह कै कीन्हिसि बहुत बड़ाई। देखउ मैं तिन्ह कै प्रभुताई॥
बचन सुनत कपि मन मुसुकाना। भइ सहाय सारद मैं जाना॥
जातुधान सुनि रावन बचना। लागे रचैं मूढ़ सोइ रचना॥
रहा न नगर बसन घृत तेला। बाढ़ी पूँछ कीन्ह कपि खेला॥
कौतुक कहँ आए पुरबासी। मारहिं चरन करहिं बहु हाँसी॥
बाजहिं ढोल देहिं सब तारी। नगर फेरि पुनि पूँछ प्रजारी॥
पावक जरत देखि हनुमंता। भयउ परम लघुरूप तुरंता॥
निबुकि चढ़ेउ कप कनक अटारीं। भईं सभीत निसाचर नारीं॥
सुन्दरकाण्ड दोहा अंग्रेजी में (Sundarkand Doha Lyrics In English)
॥ Dohaa 19 ॥
Brahm Astra Tehi Saandha Kapi Man Keenh Bichaar, Jau Na Brahmasar Maanun Mahima Mitai Aparaar।
॥ Chaupai ॥
Brahmaban Kapi Kahun Tehim Maara, Paratihun Baar Kataku Sanghaara॥
Tehim Dekha Kapi Muruchit Bhayu, Naagpaas Baandhesi Lai Gayu॥
Jaasu Naam Japi Sunhu Bhavaani, Bhav Bandhan Kaatahin Nar Gyaani॥
Taasu Doot Ki Bandh Taru Aavaa, Prabhu Kaaraj Lagi Kapihin Baandhaavaa॥
Kapi Bandhan Suni Nisichar Dhaaye, Kautuk Laagi Sabhaan Sab Aaye॥
Dasamukh Sabhaa Deekhi Kapi Jaai, Kahi Na Jaai Kachu Ati Prabhutaai॥
Kar Joren Sur Disip Bineeta, Bhrukuti Bilokat Sakal Sabheeta॥
Dekhi Pratap Na Kapi Man Sanka, Jimi Ahigan Mahun Garud Asanka॥
॥ Dohaa 20 ॥
Kapihi Biloki Dasaanan Bihasaa Kahi Durbad, Sut Badh Surati Keeni Puni Upajaa Hridaya Bisad।
॥ Chaupai ॥
Kaha Lankes Kavan Tain Keesaa, Kehi Ken Bal Ghaalehi Ban Kheesaa॥
Ki Dhaun Shravan Sunehin Nahin Mohi, Dekhun Ati Asanka Sath Tohi॥
Maare Nisichar Kehin Apraadhaa, Kahu Sath Tohi Na Praan Kai Baadhaa॥
Sunu Raavan Brahmand Nikaayaa, Paai Jaasu Bal Birachati Maayaa॥
Jaake Bal Biranch Hari Eesa, Paalat Srujat Harat Dasaseesaa॥
Ja Bal Sees Dharat Sahasaanan, Andakos Samet Giri Kaanan॥
Dharai Jo Bibidh Deh Suratraataa, Tumh Se Sathanh Sikhavanu Daataa॥
Har Kodand Kathin Jehin Bhanjaa, Tehi Samet Nrip Dal Mad Ganjaa॥
Khar Dooshan Trisira Aru Baali, Badhe Sakal Atulit Balasaali॥
॥ Dohaa 21 ॥
Jaake Bal Lavales Te Jitehu Charachar Jhaari, Taas Doot Main Ja Kari Hari Aanehu Priya Naari।
॥ Chaupai ॥
Jaanun Main Tumhaari Prabhutaai, Sahasbaahu Sun Pari Laraai॥
Samar Bali Sun Kari Jasu Paavaa, Suni Kapi Bachan Bihasi Biharaavaa॥
Khaayun Phal Prabhu Laagi Bhookhaa, Kapi Subhaav Tain Toreun Rookhaa॥
Sab Ken Deh Param Priya Swaami, Maarahin Mohi Kumaarag Gaami॥
Jinh Mohi Maara Te Main Maare, Tehi Par Baandheun Tanayn Tumhaare॥
Mohi Na Kachu Baandhe Kai Laajaa, Keenhu Chahu Nij Prabhu Kar Kaajaa॥
Binati Karun Jori Kar Raavan, Sunhu Maan Taj Mor Sikhavan॥
Dekhu Tumh Nij Kulhi Bichaari, Bhram Taj Bhajhu Bhagat Bhay Haari॥
Jaake Dar Ati Kaal Deraai, Jo Sur Asur Charachar Khaai॥
Taaso Byar Kabahun Nahin Keejai, More Kehen Jaanaki Deeji॥
॥ Dohaa 22 ॥
Pranatpaal Raghunaayak Karuna Sindhu Kharaari, Gaein Saran Prabhu Raakhihai Tav Apraadha Bisaari।
॥ Chaupai ॥
Raam Charan Pankaj Ur Dharahu, Lankaa Achal Raaju Tumh Karahu॥
Rishi Pulasti Jasu Bimal Mayanka, Tehi Sasi Mahun Jani Hohu Kalanka॥
Raam Naam Bin Gira Na Sohaa, Dekhu Bichaari Tyagi Mad Moha॥
Basan Heen Nahin Soha Suraari, Sab Bhushan Bhushit Bar Naari॥
Raam Bimukh Sampati Prabhutaai, Jaai Rahee Paai Binu Paai॥
Sajal Mool Jin Saritnahin, Barashi Gayen Puni Tabahin Sukhaahin॥
Sunu Dasakanth Kahun Pan Ropee, Bimukh Raam Traata Nahin Kopee॥
Sankar Sahas Bishnu Aj Tohi, Sakahin Na Raakhi Raam Kar Drohi॥
॥ Dohaa 23 ॥
Mohamool Bahu Sool Prad Tyagahu Tam Abhimaan, Bhajahu Raam Raghunaayak Kripa Sindhu Bhagwaan।
॥ Chaupai ॥
Jadapi Kahi Kapi Ati Hit Baani, Bhagati Bibek Birati Nay Saani॥
Bola Bihasi Mah Abhimaani, Mila Hamahi Kapi Gur Bar Gyaani॥
Mrityu Nikat Aai Khal Tohi, Laages Adham Sikhavan Mohi॥
Ulata Hoii Kaha Hanumana, Matibhram Tor Pragat Main Jaana॥
Sunit Kapi Bachan Bahut Khisiaana, Beg Na Harahu Moodh Kar Praana॥
Sunat Nisaachar Maaran Dhaaye, Sachivanh Sahit Bibheeshan Aaye॥
Naai Sees Kari Binay Bahuta, Neeti Birodh Na Maaria Doota॥
Aan Dand Kachu Karia Gosaai, Sabahin Kaha Mantr Bhal Bhaai॥
Sunit Bihasi Bola Dasakanthar, Ang Bhang Kari Pathai Bandar॥
॥ Dohaa 24 ॥
Kapi Ken Mamata Poonch Par Sabahi Kahau Samujhaai, Tel Bori Pat Baandhi Puni Paavak Dehu Lagaai।
॥ Chaupai ॥
Poonchheen Baanar Tahin Jaaihi, Tab Sath Nij Naathahi Lai Aaihi॥
Jinh Kai Keenhis Bahu Badaai, Dekhau Main Tinh Kai Prabhutaai॥
Bachan Sunat Kapi Man Musukaana, Bhai Sahaay Saarad Main Jaana॥
Jaatudhaan Suni Raavan Bachana, Laage Rachai Moodh Soi Rachana॥
Rahaa Na Nagar Basan Ghrit Tela, Baadhi Poonch Kiinh Kapi Khela॥
Kautuk Kahan Aaye Purbaasi, Maarahin Charan Karahi Bahu Haasi॥
Baajahi Dhol Dehin Sab Taari, Nagar Pheri Puni Poonch Prajaari॥
Paavak Jarat Dekhi Hanumanta, Bhayau Param Laghuroopa Turanta॥
Nibuki Chadheu Kap Kanak Ataareen, Bhaein Sabheet Nisaachar Naareen॥
Singer - Rasraj Ji Maharaj
और भी देखे :-
- हे दुःख भंजन मारुती नंदन (Hey Dukh Bhanjan Maruti Nandan)
- आया बजरंगी का शुभ दिन (Aaya Bajrangi Ka Shubh Din)
- बजरंग बाला तूने मुझे तर दिया (Bajrang Bala Tune Mujhe Tar Diya)
- जीवन की सारी मुश्किल
- तू मेहंदीपुर में आ प्रेम से अर्जी लगा (Tu Mehndipur Mein Aa Prem Se Aarji Laga)
- सुन सालासर वाला
- संकट काटो मेरे बाला जी (Sankat Kato Mere Bala Ji)
- हे दुःख भन्जन, मारुती नंदन (Hey Dukh Bhanjan Maruti Nandan Lyrics in Hindi)
- धोक लगासी (Dhok Lagasi)
- मरघट वाले बाबा का नाम जुबां पर आता है (Marghat Wale Baba Ka Naam Juba Par Aata Hai)
अगर आपको यह भजन अच्छा लगा हो तो कृपया इसे अन्य लोगो तक साझा करें।
