सुन्दरकाण्ड दोहा हिंदी में (Sundarkand Doha Lyrics In Hindi)
॥ दोहा 49 ॥
रावन क्रोध अनल निज स्वास समीर प्रचंड, जरत बिभीषनु राखेउ दीन्हेउ राजु अखंड॥(क)।
जो संपति सिव रावनहि दीन्हि दिएँ दस माथ, सोइ संपदा बिभीषनहि सकुचि दीन्हि रघुनाथ॥(ख)॥
॥ चौपाई ॥
अस प्रभु छाड़ि भजहिं जे आना। ते नर पसु बिनु पूँछ बिषाना॥
निज जन जानि ताहि अपनावा। प्रभु सुभाव कपि कुल मन भावा॥
पुनि सर्बग्य सर्ब उर बासी। सर्बरूप सब रहित उदासी॥
बोले बचन नीति प्रतिपालक। कारन मनुज दनुज कुल घालक॥
सुनु कपीस लंकापति बीरा। केहि बिधि तरिअ जलधि गंभीरा॥
संकुल मकर उरग झष जाती। अति अगाध दुस्तर सब भाँति॥
कह लंकेस सुनहु रघुनायक। कोटि सिंधु सोषक तव सायक॥
जद्यपि तदपि नीति असि गाई। बिनय करिअ सागर सन जाई॥
॥ दोहा 50 ॥
प्रभु तुम्हार कुलगुर जलधि कहिहि उपाय बिचारि, बिनु प्रयास सागर तरिहि सकल भालु कपि धारि।
॥ चौपाई ॥
सखा कही तुम्ह नीति उपाई। करिअ दैव जौं होइ सहाई॥
मंत्र न यह लछिमन मन भावा। राम बचन सुनि अति दुख पावा॥
नाथ दैव कर कवन भरोसा। सोषिअ सिंधु करिअ मन रोसा॥
कादर मन कहुँ एक अधारा। दैव दैव आलसी पुकारा॥
सुनत बिहसि बोले रघुबीरा। ऐसेहिं करब धरहु मन धीरा॥
अस कहि प्रभु अनुजहि समुझाई। सिंधु समीप गए रघुराई॥
प्रथम प्रनाम कीन्ह सिरु नाई। बैठे पुनि तट दर्भ डसाई॥
जबहिं बिभीषन प्रभु पहिं आए। पाछें रावन दूत पठाए॥
॥ दोहा 51 ॥
सकल चरित तिन्ह देखे धरें कपट कपि देह, प्रभु गुन हृदयँ सराहहिं सरनागत पर नेह।
॥ चौपाई ॥
प्रगट बखानहिं राम सुभाऊ। अति सप्रेम गा बिसरि दुराऊ॥
रिपु के दूत कपिन्ह तब जाने। सकल बाँधि कपीस पहिं आने॥
कह सुग्रीव सुनहु सब बानर। अंग भंग करि पठवहु निसिचर॥
सुनि सुग्रीव बचन कपि धाए। बाँधि कटक चहु पास फिराए॥
बहु प्रकार मारन कपि लागे। दीन पुकारत तदपि न त्यागे॥
जो हमार हर नासा काना। तेहि कोसलाधीस कै आना॥
सुनि लछिमन सब निकट बोलाए। दया लागि हँसि तुरत छोड़ाए॥
रावन कर दीजहु यह पाती। लछिमन बचन बाचु कुलघाती॥
॥ दोहा 52 ॥
कहेहु मुखागर मूढ़ सन मम संदेसु उदार, सीता देइ मिलहु न त आवा कालु तुम्हार।
॥ चौपाई ॥
तुरत नाइ लछिमन पद माथा। चले दूत बरनत गुन गाथा॥
कहत राम जसु लंकाँ आए। रावन चरन सीस तिन्ह नाए॥
बिहसि दसानन पूँछी बाता। कहसि न सुक आपनि कुसलाता॥
पुन कहु खबरि बिभीषन केरी। जाहि मृत्यु आई अति नेरी॥
करत राज लंका सठ त्यागी। होइहि जव कर कीट अभागी॥
पुनि कहु भालु कीस कटकाई। कठिन काल प्रेरित चलि आई॥
जिन्ह के जीवन कर रखवारा। भयउ मृदुल चित सिंधु बिचारा॥
कहु तपसिन्ह कै बात बहोरी। जिन्ह के हृदयँ त्रास अति मोरी॥
॥ दोहा 53 ॥
की भइ भेंट कि फिरि गए श्रवन सुजसु सुनि मोर, कहसि न रिपु दल तेज बल बहुत चकित चित तोर।
॥ चौपाई ॥
नाथ कृपा करि पूँछेहु जैसें। मानहु कहा क्रोध तजि तैसें॥
मिला जाइ जब अनुज तुम्हारा। जातहिं राम तिलक तेहि सारा॥
रावन दूत हमहि सुनि काना। कपिन्ह बाँधि दीन्हें दुख नाना॥
श्रवन नासिका काटैं लागे। राम सपथ दीन्हें हम त्यागे॥
पूँछिहु नाथ राम कटकाई। बदन कोटि सत बरनि न जाई॥
नाना बरन भालु कपि धारी। बिकटानन बिसाल भयकारी॥
जेहिं पुर दहेउ हतेउ सुत तोरा। सकल कपिन्ह महँ तेहि बलु थोरा॥
अमित नाम भट कठिन कराला। अमित नाग बल बिपुल बिसाला॥
॥ दोहा 54 ॥
द्विबिद मयंद नील नल अंगद गद बिकटासि, दधिमुख केहरि निसठ सठ जामवंत बलरासि।
॥ चौपाई ॥
ए कपि सब सुग्रीव समाना। इन्ह सम कोटिन्ह गनइ को नाना॥
राम कृपाँ अतुलित बल तिन्हहीं। तृन समान त्रैलोकहि गनहीं॥
अस मैं सुना श्रवन दसकंधर। पदुम अठारह जूथप बंदर॥
नाथ कटक महँ सो कपि नाहीं। जो न तुम्हहि जीतै रन माहीं॥
परम क्रोध मीजहिं सब हाथा। आयसु पै न देहिं रघुनाथा॥
सोषहिं सिंधु सहित झष ब्याला। पूरहिं न त भरि कुधर बिसाला॥
मर्दि गर्द मिलवहिं दससीसा। ऐसेइ बचन कहहिं सब कीसा॥
गर्जहिं तर्जहिं सहज असंका। मानहुँ ग्रसन चहत हहिं लंका॥
सुन्दरकाण्ड दोहा अंग्रेजी में (Sundarkand Doha Lyrics In English)
॥ Doha 49 ॥
Raavan Krodh Anal Nij Swaas Sameer Prachand, Jarat Bibhishanu Raakheu Deenheu Raaju Akhand॥(क)।
Jo Sampati Siv Raavanh Dihi Diye Dasa Maath, Soi Sampada Bibhishanh Sakuchi Dihi Raghunath॥(ख)॥
॥ Chaupai ॥
As Prabhu Chhadi Bhajahi Je Aana। Te Nar Pasu Binu Poonch Bishaana॥
Nij Jan Jaani Taahi Apanaava। Prabhu Subhaav Kapi Kul Man Bhaava॥
Puni Sarbagya Sarb Ur Baasi। Sarbaroop Sab Rahit Udaasi॥
Bole Bachan Neeti Pratipaalak। Kaaran Manuj Danuj Kul Ghaalak॥
Sunu Kapisa Lanka Pati Beera। Kehi Bidhi Taria Jaladhi Gambheera॥
Sankul Makar Urag Jhasha Jaati। Ati Agaadha Dustar Sab Bhaanti॥
Kah Lankes Sunahu Raghunayak। Koti Sindhu Soshak Tav Saayak॥
Jadyapi Tadyapi Neeti Asi Gaai। Binay Karia Sagar San Jaai॥
॥ Doha 50 ॥
Prabhu Tumhaar Kulgur Jaladhi Kahihi Upaay Bichaari, Binu Prayaas Saagar Tarihi Sakal Bhaalu Kapi Dhaari।
॥ Chaupai ॥
Sakha Kahi Tumh Niti Upaai। Karia Daiv Jau Hoai Sahaai॥
Mantra Na Yah Lachhiman Man Bhaava। Raam Bachan Suni Ati Dukh Paava॥
Nath Daiv Kar Kavan Bharosa। Soshiya Sindhu Karia Man Rosa॥
Kadar Man Kahun Ek Adhaara। Daiv Daiv Aalasi Pukaara॥
Sunat Bihasi Bole Raghubira। Aisehi Karab Dharahu Man Dheera॥
As Kahi Prabhu Anujahi Samujhaai। Sindhu Sameep Gaye Raghurai॥
Pratham Pranaam Kinha Siru Naai। Bathe Puni Tat Darbh Dasai॥
Jabahin Bibhishan Prabhu Pahin Aaye। Paache Raavan Doot Pathaaye॥
॥ Doha 51 ॥
Sakal Charit Tinh Dekhe Dharen Kapat Kapi Deh, Prabhu Gun Hriday Saraahi Saranagat Par Neh।
॥ Chaupai ॥
Pargat Bakhanahi Raam Subhaau। Ati Saprem Ga Bisari Duraau॥
Ripu Ke Doot Kapinh Tab Jaane। Sakal Baadhi Kapis Pahin Aane॥
Kah Sugreev Sunahu Sab Baanar। Ang Bhang Kari Pathavahu Nisichar॥
Suni Sugreev Bachan Kapi Dhaaye। Baandhi Katakat Chahu Paas Firaaye॥
Bahu Prakar Maaran Kapi Laage। Deen Pukaarat Tadapi Na Tyage॥
Jo Hamaar Har Naasa Kaana। Tehi Kosalaadhees Kai Aana॥
Suni Lachhiman Sab Nikat Bolaaye। Daya Laagi Hansi Turat Chhodaaye॥
Raavan Kar Dijahu Yah Paati। Lachhiman Bachan Baachu Kulghaati॥
॥ Doha 52 ॥
Kahehu Mukhagar Muddha San Mam Sandesu Udaar, Sita Dei Milahu Na Ta Aavaa Kaalu Tumhaar।
॥ Chaupai ॥
Turat Nai Lachhiman Pad Maatha। Chale Doot Baranat Gun Gaatha॥
Kahat Raam Jasu Lanka Aaye। Raavan Charan Sis Tinh Naaye॥
Bihasi Dasanan Poonchi Baata। Kahasi Na Suk Aapani Kusalaata॥
Puni Kahu Khabar Bibhishan Keri। Jaahi Mrityu Aai Ati Neri॥
Karat Raaj Lanka Sath Tyagi। Hoiahi Jav Kar Keet Abhaagi॥
Puni Kahu Bhalu Kisa Katakaai। Kathin Kaal Prerit Chali Aai॥
Jinh Ke Jeevan Kar Rakhavaara। Bhayau Mrudul Chit Sindhu Bichaara॥
Kahu Tapasinh Kai Baat Bahori। Jinh Ke Hridaya Tras Ati Mori॥
॥ Doha 53 ॥
Ki Bhai Bhent Ki Phiri Gae Shravan Sujasu Suni Mor, Kahasi Na Ripu Dal Tej Bal Bahut Chakit Chit Tor।
॥ Chaupai ॥
Nath Kripa Kari Poonchehu Jaisen। Maanahu Kaha Krodh Taji Taisen॥
Mila Jaai Jab Anuj Tumhaara। Jaatahin Raam Tilak Tehi Saara॥
Raavan Doot Hamahi Suni Kaana। Kapinh Baandhi Deenhe Dukh Naana॥
Shravan Naasika Kaatein Laage। Raam Sapat Deenhe Ham Tyage॥
Poonchihu Nath Raam Katakaai। Badan Koti Sat Barni Na Jaai॥
Naana Barn Bhalu Kapi Dhaari। Bikatanan Bisal Bhayakaari॥
Jehi Pur Daheu Hateu Sut Tora। Sakal Kapinh Mahin Tehi Balu Thora॥
Amit Naam Bhat Kathin Karaala। Amit Naag Bal Bipul Bisaala॥
॥ Doha 54 ॥
Dvibid Mayand Neel Nal Angad Gad Bikatasi, Dadhimukh Kehari Nisath Sath Jaamvant Balarasi।
॥ Chaupai ॥
E Kapi Sab Sugreev Samaana। Inh Sam Kotinh Ganai Ko Naana॥
Raam Kripa Atulit Bal Tinhahi। Trin Samaan Trailokahi Ganahi॥
As Main Suna Shravan Dasakandar। Padum Atharah Joothap Bandar॥
Nath Katak Mahin So Kapi Naahi। Jo Na Tumhahi Jeetai Ran Maahi॥
Param Krodh Meejahi Sab Haatha। Aayas Pai Na Dehin Raghunatha॥
Sosahi Sindhu Sahit Jhasha Byaala। Poorahi Na T Bhari Kudhar Bisaala॥
Mardi Gard Milavahi Dasasisa। Aisei Bachan Kahahi Sab Kisa॥
Garjahi Tarjahi Sahaj Asanka। Maanahu Ghrasan Chahat Hahi Lanka॥
Singer - Rasraj Ji Maharaj
और भी देखे :-
- किस्मत का खोले ताला बाबा मेहंदीपुर वाला (Kismat Ka Khole Tala Baba Mehandipur Wala)
- मेहंदीपुर नगरी में
- लेके पोहंचे खबर जब हनुमान जी लिरिक्स | Leke Ponche Khabar Jab Hanuman Ji Lyrics.
- लाल लंगोटा लाल सिंधुरी (Lal Langota Lal Sindhuri)
- सालासर जाउंगा महिमा तेरी गाउंगा (Salasar Jaunga Mahima Teri Gaunga)
- नाच रहे हनुमान
- ले चल मेहंदीपुर बालाजी के दर्शन पावेंगे (Le Chal Mehandipur Balaji Ke Darshan Pawege)
- जय श्रीराम जय जय श्रीराम (Jai Shree Ram Jai Jai Shree Ram)
- मेरे वीर हनुमान प्यारे प्यारे (Mere Veer Hanuman Pyare Pyare)
- सजा प्रेतराज दरबार बाला जी के मंदिर में (Saja PretRaj Darbar Balaji Ke Mandir Me)
अगर आपको यह भजन अच्छा लगा हो तो कृपया इसे अन्य लोगो तक साझा करें।
