सुन्दरकाण्ड दोहा हिंदी में (Sundarkand Doha Lyrics In Hindi)
॥ दोहा 13 ॥
कपि के बचन सप्रेम सुनि उपजा मन बिस्वास, जाना मन क्रम बचन यह कृपासिंधु कर दास।
॥ चौपाई ॥
हरिजन जानि प्रीति अति गाढ़ी। सजल नयन पुलकावलि बाढ़ी॥
बूड़त बिरह जलधि हनुमाना। भयहु तात मो कहुँ जलजाना॥
अब कहु कुसल जाउँ बलिहारी। अनुज सहित सुख भवन खरारी॥
कोमलचित कृपाल रघुराई। कपि केहि हेतु धरी निठुराई॥
सहज बानि सेवक सुखदायक। कबहुँक सुरति करत रघुनायक॥
कबहुँ नयन मम सीतल ताता। होइहहिं निरखि स्याम मृदु गाता॥
बचनु न आव नयन भरे बारी। अहह नाथ हौं निपट बिसारी॥
देखि परम बिरहाकुल सीता। बोला कपि मृदु बचन बिनीता॥
मातु कुसल प्रभु अनुज समेता। तव दुख दुखी सुकृपा निकेता॥
जनि जननी मानह जियँ ऊना। तुम्ह ते प्रेमु राम कें दूना॥
॥ दोहा 14 ॥
रघुपति कर संदेसु अब सुनु जननी धरि धीर, अस कहि कपि गदगद भयउ भरे बिलोचन नीर।
॥ चौपाई ॥
कहेउ राम बियोग तव सीता। मो कहुँ सकल भए बिपरीता॥
नव तरु किसलय मनहुँ कृसानू। कालनिसा सम निसि ससि भानू॥
कुबलय बिपिन कुंत बन सरिसा। बारिद तपत तेल जनु बरिसा॥
जे हित रहे करत तेइ पीरा। उरग स्वास सम त्रिबिध समीरा॥
कहेहू तें कछु दुख घटि होई। काहि कहौं यह जान न कोई॥
तत्व प्रेम कर मम अरु तोरा। जानत प्रिया एकु मनु मोरा॥
सो मनु सदा रहत तोहि पाहीं। जानु प्रीति रसु एतनेहि माहीं॥
प्रभु संदेसु सुनत बैदेही। मगन प्रेम तन सुधि नहिं तेही॥
कह कपि हृदयँ धीर धरु माता। सुमिरु राम सेवक सुखदाता॥
उर आनहु रघुपति प्रभुताई। सुनि मम बचन तजहु कदराई॥
॥ दोहा 15 ॥
निसिचर निकर पतंग सम रघुपति बान कृसानु, जननी हृदयँ धीर धरु जरे निसाचर जानु।
॥ चौपाई ॥
जौं रघुबीर होति सुधि पाई। करते नहिं बिलंबु रघुराई॥
राम बान रबि उएँ जानकी। तम बरुथ कहँ जातुधान की॥
अबहिं मातु मैं जाउँ लवाई। प्रभु आयुस नहिं राम दोहाई॥
कछुक दिवस जननी धरु धीरा। कपिन्ह सहित अइहहिं रघुबीरा॥
निसिचर मारि तोहि लै जैहहिं। तिहुँ पुर नारदादि जसु गैहहिं॥
हैं सुत कपि सब तुम्हहि समाना। जातुधान अति भट बलवाना॥
मोरें हृदय परम संदेहा। सुनि कपि प्रगट कीन्हि निज देहा॥
कनक भूधराकार सरीरा। समर भयंकर अतिबल बीरा॥
सीता मन भरोस तब भयऊ। पुनि लघु रूप पवनसुत लयऊ॥
॥ दोहा 16 ॥
सुनु माता साखामृग नहिं बल बुद्धि बिसाल, प्रभु प्रताप तें गरुड़हि खाइ परम लघु ब्याल।
॥ चौपाई ॥
मन संतोष सुनत कपि बानी। भगति प्रताप तेज बल सानी॥
आसिष दीन्हि राम प्रिय जाना। होहु तात बल सील निधाना॥
अजर अमर गुननिधि सुत होहू। करहुँ बहुत रघुनायक छोहू॥
करहुँ कृपा प्रभु अस सुनि काना। निर्भर प्रेम मगन हनुमाना॥
बार बार नाएसि पद सीसा। बोला बचन जोरि कर कीसा॥
अब कृतकृत्य भयउँ मैं माता। आसिष तव अमोघ बिख्याता॥
सुनहु मातु मोहि अतिसय भूखा। लागि देखि सुंदर फल रूखा॥
सुनु सुत करहिं बिपिन रखवारी। परम सुभट रजनीचर भारी॥
तिन्ह कर भय माता मोहि नाहीं। जौं तुम्ह सुख मानहु मन माहीं॥
॥ दोहा 17 ॥
देखि बुद्धि बल निपुन कपि कहेउ जानकीं जाहु, रघुपति चरन हृदयँ धरि तात मधुर फल खाहु।
॥ चौपाई ॥
चलेउ नाइ सिरु पैठेउ बागा। फल खाएसि तरु तोरैं लागा॥
रहे तहाँ बहु भट रखवारे। कछु मारेसि कछु जाइ पुकारे॥
नाथ एक आवा कपि भारी। तेहिं असोक बाटिका उजारी॥
खाएसि फल अरु बिटप उपारे। रच्छक मर्दि मर्दि महि डारे॥
सुनि रावन पठए भट नाना। तिन्हहि देखि गर्जेउ हनुमाना॥
सब रजनीचर कपि संघारे। गए पुकारत कछु अधमारे॥
पुनि पठयउ तेहिं अच्छकुमारा। चला संग लै सुभट अपारा॥
आवत देखि बिटप गहि तर्जा। ताहि निपाति महाधुनि गर्जा॥
॥ दोहा 18 ॥
कछु मारेसि कछु मर्देसि कछु मिलएसि धरि धूरि, कछु पुनि जाइ पुकारे प्रभु मर्कट बल भूरि।
॥ चौपाई ॥
सुनि सुत बध लंकेस रिसाना। पठएसि मेघनाद बलवाना॥
मारसि जनि सुत बाँधेसु ताही। देखिअ कपिहि कहाँ कर आही॥
चला इन्द्रजित अतुलित जोधा। बंधु निधन सुनि उपजा क्रोधा॥
कपि देखा दारुन भट आवा। कटकटाइ गर्जा अरु धावा॥
अति बिसाल तरु एक उपारा। बिरथ कीन्ह लंकेस कुमारा॥
रहे महाभट ताके संगा। गहि गहि कपि मर्दई निज अंगा॥
तिन्हहि निपाति ताहि सन बाजा। भिरे जुगल मानहुँ गजराजा॥
मुठिका मारि चढ़ा तरु जाई। ताहि एक छन मुरुछा आई॥
उठि बहोरि कीन्हिसि बहु माया। जीति न जाइ प्रभंजन जाया॥
सुन्दरकाण्ड दोहा अंग्रेजी में (Sundarkand Doha Lyrics In English)
॥ Dohaa 13 ॥
Kapi Ke Bachan Saprem Suni Upajaa Man Bisvaas, Jaana Man Kram Bachan Yeh KripaSindhu Kar Daas।
॥ Chaupai ॥
Harijan Jaani Preeti Ati Gaadhi, Sajal Nayan Pulakavali Baadhi॥
Boodat Birah Jaladhi Hanumana, Bhayahu Taat Mo Kahun Jaljaana॥
Ab Kahu Kusal Jaau Balihaari, Anuj Sahit Sukh Bhavan Kharaari॥
Komal Chit Kripaal RaghuRaai, Kapi Kehi Hetu Dhari Nithuraai॥
Sahaj Baani Sevak Sukhdaayak, Kabahun Surati Karat Raghunaayak॥
Kabahun Nayan Mam Seetal Taataa, Hoihi Nirakhi Syaam Mrudu Gaataa॥
Bachanu Na Aav Nayan Bhare Baari, Aha Nath Haun Nipat Bisaari॥
Dekhi Param Birahakula Sita, Bola Kapi Mrudu Bachan Bineeta॥
Maatu Kusal Prabhu Anuj Sameta, Tav Dukh Dukhi Sukripa Niketa॥
Jani Janani Manah Jiya Unaa, Tumha Te Premu Raam Ke Duna॥
॥ Dohaa 14 ॥
Raghupati Kar Sandesu Ab Sunu Janani Dhari Dheer, As Kahi Kapi Gadgad Bhayau Bhare Bilocan Neer।
॥ Chaupai ॥
Kaheu Raam Biyog Tav Sita, Mo Kahun Sakal Bhae Bipareeta॥
Nav Taru Kisalay Manahu Krsanu, Kaalnisa Sam Nisi Sasi Bhaanu॥
Kubalay Bipin Kunt Ban Sarisa, Barid Tapat Tel Janu Barisa॥
Je Hit Rahe Karat Tei Peera, Urag Swaas Sam Tribid Sameera॥
Kahehu Te Kachu Dukh Ghati Hoi, Kaahi Kahon Yeh Jaan Na Koi॥
Tattva Prem Kar Mam Aru Tora, Janat Priya Eku Manu Mora॥
So Manu Sada Rahat Tohi Paahin, Janu Preeti Ras Eteni Maahin॥
Prabhu Sandesu Sunat Baidehi, Magn Prem Tan Sudhi Nahi Tehi॥
Kah Kapi Hridayam Dheer Dharu Maata, Sumir Raam Sevak Sukhdata॥
Ura Aanahu Raghupati Prabhutai, Suni Mam Bachan Tajahu Kadarai॥
॥ Dohaa 15 ॥
Nisichar Nikar Patang Sam Raghupati Baan Krsanu, Janani Hridayam Dheer Dharu Jare Nisachar Jaanu।
॥ Chaupai ॥
Jau Raghubir Hoti Sudhi Paai, Karte Nahin Bilambu RaghuRai॥
Raam Baan Rabi Uain Jaanki, Tam Baruth Kahaan Jatudhaan Ki॥
Abhin Maatu Mai Jaau Lavaai, Prabhu Aayus Nahin Raam Dohai॥
Kachuk Divas Janani Dharu Dheera, Kapinh Sahit Aihin Raghubira॥
Nisichar Mari Tohi Lai Jaihi, Tihun Pur Naradaadi Jasu Gaihi॥
Hain Sut Kapi Sab Tumhi Samaana, Jatudhan Ati Bhata Balwana॥
More Hriday Param Sandeha, Suni Kapi Pragata Ki Niya Deha॥
Kanak Bhudhara Kaar Shareera, Samar Bhayankar Atibal Beera॥
Sita Man Bharos Tab Bhayau, Puni Laghu Roop PavanSut Laiyau॥
॥ Dohaa 16 ॥
Sunu Maata Saakhaamrig Nahin Bal Budhi Bisaal, Prabhu Pratap Te Garudahi Khai Param Laghu Byaal।
॥ Chaupai ॥
Man Santosh Sunat Kapi Baani, Bhakti Pratap Tej Bal Saani॥
Aasish Deen Raam Priya Jaana, Hohu Taat Bal Seel Nidhaana॥
Ajar Amar Gunnidhi Sut Hohu, Karahu Bahu RaghuNaayak Chohu॥
Karahu Kripa Prabhu As Suni Kaana, Nirbhar Prem Magn Hanumana॥
Baar Baar Naaesi Pad Sisea, Bola Bachan Jori Kar Keesa॥
Ab Kritakriti Bhayau Ma Mai Maata, Aasish Tav Amogh Bikhyaata॥
Sunahu Maatu Mohi Atisay Bhukha, Laagi Dekhi Sundar Phal Rukha॥
Sunu Sut Karahi Bipin Rakhwari, Param Subhat Rajnichar Bhari॥
Tin Kar Bhay Maata Mohi Naahi, Jau Tum Sukh Maanahu Man Maahi॥
॥ Dohaa 17 ॥
Dekhi Budhi Bal Nipun Kapi Kahu Janaki Jaahu, Raghupati Charan Hridayam Dhar Taat Madhur Phal Khaahu।
॥ Chaupai ॥
Chaleu Naaei Siru Paitheu Baaga, Phal Khaaesi Taru Torai Laaga॥
Rahe Tahaan Bahu Bhat Rakhwaare, Kachu Maaresi Kachu Jai Pukaare॥
Naath Ek Aava Kapi Bhaari, Tehi Asok Baatika Ujaari॥
Khaaesi Phal Aru Bitap Upara, Rachhak Mardi Mardi Mahi Daare॥
Suni Raavan Pathae Bhat Naana, Tinhahi Dekhi Garjeu Hanumana॥
Sab Rajnichar Kapi Sanghaare, Gaye Pukaarat Kachu Adhamaare॥
Puni Pathayau Tehin Acchakumara, Chala Sang Lai Subhat Apara॥
Aavat Dekhi Bitap Gahi Tarzaa, Taahi Nipati Mahadhuni Garjaa॥
॥ Dohaa 18 ॥
Kachu Maaresi Kachu Mardeysi Kachu Mileysi Dhuri, Kachu Puni Jaai Pukaare Prabhu Markat Bal Bhoori।
॥ Chaupai ॥
Suni Sut Badh Lankes Risaana, Pathaesi Meghnad Balwana॥
Maarsi Jani Sut Baadhesu Taahi, Dekhia Kapi Kaha Kar Aahi॥
Chala Indrajeet Atulit Jodhaa, Bandhu Nidhan Suni Upjaa Krodhaa॥
Kapi Dekha Darun Bhat Aava, Katakatayi Garja Aru Dhaava॥
Ati Bisaal Taru Ek Upara, Birath Kiinhe Lankes Kumaara॥
Rahe MahaBhat Taake Sanga, Gahi Gahi Kapi Mardaai Nija Anga॥
Tinha Nipati Taahi Sun Baaja, Bhire Jugala Maanahu Gajaraaja॥
Muthika Maari Chadha Taru Jaai, Taahi Eku Chan Murucha Aai॥
Uthi Bahori Kiinhasi Bahu Maayaa, Jeeti Na Jaai Prabhanjan Jaaya॥
Singer - Rasraj Ji Maharaj
और भी देखे :-
- कितना प्यारा तुझे भक्तोँ ने सजाया (Kitna Pyara Tujhe Bhakto Ne Sajaya)
- आया जन्म दिन बाला (Aaya Jamandin Bala Ka)
- माता अंजनी के लाल |( Mata Anjani Ke Lal)
- मेहंदीपुर में सजे तेरा (Mehndipur Mein Saje Tera)
- जय हनुमत केसरी नंदन
- लेके संजीवन चले आओ हनुमान (Leke Sanjeewan Chale Aao Hanuman)
- मेहंदीपुर धाम दिखा दे हो बजरंगी बालाजी (Mehndipur Dham Dikha De Ho Bajrangi Bala Ji)
- बड़े बलि महान बलि (Bade Bali Mahan Bali)
- संकट कटा बालाजी
- मेरे रोम रोम (Mere Rom Rom)
अगर आपको यह भजन अच्छा लगा हो तो कृपया इसे अन्य लोगो तक साझा करें।
