सुन्दरकाण्ड दोहा हिंदी में (Sundarkand Doha Lyrics In Hindi)
॥ दोहा 31 ॥
निमिष निमिष करुनानिधि जाहिं कलप सम बीति, बेगि चलिअ प्रभु आनिअ भुज बल खल दल जीति।
॥ चौपाई ॥
सुनि सीता दुख प्रभु सुख अयना। भरि आए जल राजिव नयना॥
बचन कायँ मन मम गति जाही। सपनेहुँ बूझिअ बिपति कि ताही॥
कह हनुमंत बिपति प्रभु सोई। जब तव सुमिरन भजन न होई॥
केतिक बात प्रभु जातुधान की। रिपुहि जीति आनिबी जानकी॥
सुनु कपि तोहि समान उपकारी। नहिं कोउ सुर नर मुनि तनुधारी॥
प्रति उपकार करौं का तोरा। सनमुख होइ न सकत मन मोरा॥
सुनु सुत तोहि उरिन मैं नाहीं। देखेउँ करि बिचार मन माहीं॥
पुनि पुनि कपिहि चितव सुरत्राता। लोचन नीर पुलक अति गाता॥
॥ दोहा 32 ॥
सुनि प्रभु बचन बिलोकि मुख गात हरषि हनुमंत, चरन परेउ प्रेमाकुल त्राहि त्राहि भगवंत।
॥ चौपाई ॥
बार बार प्रभु चहइ उठावा। प्रेम मगन तेहि उठब न भावा॥
प्रभु कर पंकज कपि कें सीसा। सुमिरि सो दसा मगन गौरीसा॥
सावधान मन करि पुनि संकर। लागे कहन कथा अति सुंदर॥
कपि उठाई प्रभु हृदयँ लगावा। कर गहि परम निकट बैठावा॥
कहु कपि रावन पालित लंका। केहि बिधि दहेउ दुर्ग अति बंका॥
प्रभु प्रसन्न जाना हनुमाना। बोला बचन बिगत अभिमाना॥
साखामग कै बड़ि मनुसाई। साखा तें साखा पर जाई॥
नाघि सिंधु हाटकपुर जारा। निसिचर गन बधि बिपिन उजारा॥
सो सब तव प्रताप रघुराई। नाथ न कछू मोरि प्रभुताई॥
॥ दोहा 33 ॥
ता कहुँ प्रभु कछु अगम नहिं जा पर तुम्ह अनुकूल, तव प्रभावँ बड़वानलहि जारि सकइ खलु तूल।
॥ चौपाई ॥
नाथ भगति अति सुखदायनी। देहु कृपा करि अनपायनी॥
सुनि प्रभु परम सरल कपि बानी। एवमस्तु तब कहेउ भवानी॥
उमा राम सुभाउ जेहिं जाना। ताहि भजनु तजि भाव न आना॥
यह संबाद जासु उर आवा। रघुपति चरन भगति सोइ पावा॥
सुनि प्रभु बचन कहहिं कपि बृंदा। जय जय जय कृपाल सुखकंदा॥
तब रघुपति कपिपतिहि बोलावा। कहा चलैं कर करहु बनावा॥
अब बिलंबु केह कारन कीजे। तुरंत कपिन्ह कहँ आयसु दीजे॥
कौतुक देखि सुमन बहु बरषी। नभ तें भवन चले सुर हरषी॥
॥ दोहा 34 ॥
कपिपति बेगि बोलाए आए जूथप जूथ, नाना बरन अतुल बल बानर भालु बरूथ।
॥ चौपाई ॥
प्रभु पद पंकज नावहिं सीसा। गर्जहिं भालु महाबल कीसा॥
देखी राम सकल कपि सेना। चितइ कृपा करि राजिव नैना॥
राम कृपा बल पाइ कपिंदा। भए पच्छजुत मनहुँ गिरिंदा॥
हरषि राम तब कीन्ह पयाना। सगुन भए सुंदर सुभ नाना॥
जासु सकल मंगलमय कीती। तासु पयान सगुन यह नीती॥
प्रभु पयान जाना बैदेहीं। फरकि बाम अँग जनु कहि देहीं॥
जोइ जोइ सगुन जानकिहि होई। असगुन भयउ रावनहिं सोई॥
चला कटकु को बरनैं पारा। गर्जहिं बानर भालु अपारा॥
नख आयुध गिरि पादपधारी। चले गगन महि इच्छाचारी॥
केहरिनाद भालु कपि करहीं। डगमगाहिं दिग्गज चिक्करहीं॥
॥ छन्द ॥
चिक्करहिं दिग्गज डोल महि गिरि लोल सागर खरभरे, मन हरष सभ गंधर्ब सुर मुनि नाग किंनर दुख टरे।
कटकटहिं मर्कट बिकट भट बहु कोटि कोटिन्ह धावहीं, जय राम प्रबल प्रताप कोसलनाथ गुन गन गावहीं॥१॥
सहि सक न भार उदार अहिपति बार बारहिं मोहई, गह दसन पुनि पुनि कमठ पृष्ठ कठोर सो किमि सोहई।
रघुबीर रुचिर प्रयान प्रस्थिति जानि परम सुहावनी, जनु कमठ खर्पर सर्पराज सो लिखत अबिचल पावनी॥२॥
॥ दोहा 35 ॥
एहि बिधि जाइ कृपानिधि उतरे सागर तीर, जहँ तहँ लागे खान फल भालु बिपुल कपि बीर।
॥ चौपाई ॥
उहाँ निसाचर रहहिं ससंका। जब तें जारि गयउ कपि लंका॥
निज निज गृहँ सब करहिं बिचारा। नहिं निसिचर कुल केर उबारा॥
जासु दूत बल बरनि न जाई। तेहि आएँ पुर कवन भलाई॥
दूतिन्ह सन सुनि पुरजन बानी। मंदोदरी अधिक अकुलानी॥
रहसि जोरि कर पति पग लागी। बोली बचन नीति रस पागी॥
कंत करष हरि सन परिहरहू। मोर कहा अति हित हियँ धरहू॥
समुझत जासु दूत कइ करनी। स्रवहिं गर्भ रजनीचर घरनी॥
तासु नारि निज सचिव बोलाई। पठवहु कंत जो चहहु भलाई॥
तव कुल कमल बिपिन दुखदाई। सीता सीत निसा सम आई॥
सुनहु नाथ सीता बिनु दीन्हें। हित न तुम्हार संभु अज कीन्हें॥
॥ दोहा 36 ॥
राम बान अहि गन सरिस निकर निसाचर भेक, जब लगि ग्रसत न तब लगि जतनु करहु तजि टेक।
॥ चौपाई ॥
श्रवन सुनी सठ ता करि बानी। बिहसा जगत बिदित अभिमानी॥
सभय सुभाउ नारि कर साचा। मंगल महुँ भय मन अति काचा॥
जौं आवइ मर्कट कटकाई। जिअहिं बिचारे निसिचर खाई॥
कंपहिं लोकप जाकीं त्रासा। तासु नारि सभीत बड़ि हासा॥
अस कहि बिहसि ताहि उर लाई। चलेउ सभाँ ममता अधिकाई॥
फमंदोदरी हृदयँ कर चिंता। भयउ कंत पर बिधि बिपरीता॥
बैठेउ सभाँ खबरि असि पाई। सिंधु पार सेना सब आई॥
बूझेसि सचिव उचित मत कहहू। ते सब हँसे मष्ट करि रहहू॥
जितेहु सुरासुर तब श्रम नाहीं। नर बानर केहि लेखे माहीं॥
सुन्दरकाण्ड दोहा अंग्रेजी में (Sundarkand Doha Lyrics In English)
॥ Doha 31 ॥
Nimish Nimish Karunanidhi Jaahin Kalp Sam Beeti, Begi Chalia Prabhu Aania Bhuj Bal Khal Dal Jeeti।
॥ Chaupai ॥
Suni Sita Dukh Prabhu Sukh Ayana। Bhari Aaye Jal Rajiv Nayan॥
Bachan Kaay Mann Mam Gati Jaahi। Sapnehu Bujhia Bipati Ki Taahi॥
Kah Hanuman Bipati Prabhu Soi। Jab Tav Smiran Bhajan Na Hoi॥
Ketik Baat Prabhu Jatudhan Ki। Ripuhi Jeeti Aanibi Janaki॥
Suno Kapi Tohi Samaan Upkaari। Nahin Koi Sur Nar Muni Tanudhaari॥
Prati Upkaari Karun Ka Tora। Sanmukh Hoi Na Sakat Mann Mora॥
Suno Sut Tohi Urin Main Nahin। Dekheu Kari Bichaar Mann Maahi॥
Puni Puni Kapihi Chitav Surtrata। Lochan Neer Pulak Ati Gaata॥
॥ Doha 32 ॥
Suni Prabhu Bachan Biloki Mukh Gaata Harshi Hanuman, Charan Pareo Premakul Trahi Trahi Bhagvant।
॥ Chaupai ॥
Bar Bar Prabhu Chahi Uthava। Prem Magn Tehi Uthab Na Bhava॥
Prabhu Kar Pankaj Kapi Kesiya। Sumiri So Dasa Magn Gaurisa॥
Savadhan Mann Kari Puni Sankar। Lage Kahan Katha Ati Sundar॥
Kapi Uthai Prabhu Hriday Lagava। Kar Gahi Param Nikat Baithava॥
Kahu Kapi Ravan Palit Lanka। Kehi Bidhi Dheo Durg Ati Banka॥
Prabhu Prasann Jana Hanumana। Bola Bachan Bigat Abhimana॥
Sakhmag Kai Badi Manusai। Sakh Tain Sakh Par Jaai॥
Naaghi Sindhu Haatakpur Jara। Nisichar Gan Baddhi Bipin Ujaara॥
So Sab Tav Pratap Raghu Rai। Nath Na Kachu Mori Prabhutai॥
॥ Doha 33 ॥
Ta Kahun Prabhu Kachu Agam Nahin Ja Par Tumh Anukool, Tav Prabhav Badvanalhi Jaari Sakai Khalu Tool।
॥ Chaupai ॥
Nath Bhakti Ati Sukhadaayani। Dehu Kripa Kari Anapaayani॥
Suni Prabhu Param Saral Kapi Bani। Evamastu Tab Kaheu Bhavani॥
Uma Ram Subhau Jehin Jaana। Tahi Bhajanu Taji Bhav Na Aana॥
Yah Sambad Jasu Ur Aava। Raghubati Charan Bhakti Soi Pava॥
Suni Prabhu Bachan Kahin Kapi Brinda। Jay Jay Jay Kripal Sukhkanda॥
Tab Raghubati Kapipatihu Bolava। Kaha Chale Kar Karahu Banaava॥
Ab Bilambu Keh Karan Kije। Turant Kapinh Kahan Aayasu Dije॥
Kautuk Dekhi Suman Bahu Barsi। Nabhe Tain Bhavan Chale Sur Harshi॥
॥ Doha 34 ॥
Kapipati Begi Bolaye Aaye Joothap Jooth, Nana Barn Atul Bal Banar Bhalu Baruth।
॥ Chaupai ॥
Prabhu Pad Pankaj Navhin Sisa। Garjahi Bhalu Mahabal Kisa॥
Dekhi Ram Sakal Kapi Sena। Chitai Kripa Kari Rajiv Naina॥
Ram Kripa Bal Pai Kapinda। Bhae Pachhajut Manahu Girinda॥
Harshi Ram Tab Kinh Payana। Sagun Bhae Sundar Subh Nana॥
Jasu Sakal Mangalmay Kiti। Tasu Payana Sagun Yeh Neeti॥
Prabhu Payana Jana Baidehi। Pharki Bam Ang Janu Kahi Dehi॥
Joi Joi Sagun Janakhi Hoi। Asagun Bhayu Ravanhi Soi॥
Chala Katak Ko Barnai Paara। Garjahi Banar Bhalu Apara॥
Nakh Ayudh Giri Padpadhari। Chale Gagan Mahi Ichhachari॥
Keharinad Bhalu Kapi Karahi। Dagmagahi Diggaj Chikkarahi॥
॥ Chhand ॥
Chikkarahi Diggaj Dol Mahi Giri Lol Sagar Kharbhare, Man Harsha Sabh Gandharv Sur Muni Naag Kinnar Dukh Tare।
Katakatahin Markat Bikat Bhat Bahu Koti Kotinh Dhaavahi। Jay Ram Prabal Pratap Kosalanath Gun Gan Gavahi॥1॥
Sahi Sak Na Bhar Udaar Ahipati Baar Barahin Mohai, Gah Dasan Puni Puni Kamath Pṛṣṭh Kathor So Kmi Sohai।
Raghubeer Ruchir Prayaan Prasthiti Jaani Param Suhaavani, Janu Kamath Kharpur Sarparaj So Likhat Abichal Pavana॥2॥
॥ Doha 35 ॥
Ehi Bidhi Jai Kripa Nidhi Utare Sagar Teer, Jahan Tahan Lage Khan Phal Bhalu Bipul Kapi Bir।
॥ Chaupai ॥
Uhā Nisachar Rahahin Sasaṁkā। Jab Tain Jaari Gaya Kapilanka॥
Nij Nij Grih Sab Karahi Bichaara। Nahin Nisichar Kul Ker Ubara॥
Jasu Doot Bal Barni Na Jaai। Tehi Aaye Pur Kavan Bhalai॥
Dootin Suni Purajan Bani। Mandodari Adhik Akulaani॥
Rahasi Jor Kar Pati Pag Laagi। Boli Bachan Neeti Ras Paagi॥
Kant Karsa Hari Sun Parihuh। Mor Kaha Ati Hit Hiyan Dharuh॥
Samujhat Jasu Doot Kai Karani। Sravahi Garbh Rajanichar Gharani॥
Tasu Nari Nij Sachiv Bolaai। Pathavahu Kant Jo Chaha Bhalai॥
Tav Kul Kamal Bipin Dukhdai। Sita Sita Nisa Sam Aai॥
Sunahu Nath Sita Binu Deenhe। Hit Na Tumhara Sambhu Aj Kinhe॥
॥ Doha 36 ॥
Ram Baan Ahi Gan Saris Nikar Nisachar Bheek, Jab Lagi Grasat Na Tab Lagi Jatanu Karahu Taji Tek।
॥ Chaupai ॥
Shravan Suni Sat Ta Kari Bani। Bihasa Jagat Vidit Abhimani॥
Sabhay Subhau Nari Kar Saacha। Mangal Muh Bhay Mann Ati Kaacha॥
Jao Aavai Markat Katakai। Jiahi Bichare Nisichar Khai॥
Kampahi Lokap Jaki Traasa। Tasu Nari Sabhit Badi Haasa॥
As Kahi Bihasi Tahi Ur Laai। Chaleu Sabha Mamata Adhikai॥
Famandodari Hriday Kar Chinta। Bhayu Kant Par Bidhi Biparita॥
Baitheu Sabha Khabar Asi Paai। Sindhu Par Sena Sab Aai॥
Boojesi Sachiv Uchit Mat Kahaahu। Te Sab Haase Masṭ Kar Rahahu॥
Jitehu Surasur Tab Shram Nahin। Nar Banar Kehi Leke Maahi॥
Singer - Rasraj Ji Maharaj
और भी देखे :-
- सारा खेल तमाशा है एक बानर की पूंछ का (Sara Khel Tamasha Hai Ek vanar Ki Punchh Ka)
- माला फेरूं रे बजरंग तेरे नाम की (maalaa pheruun re bajarang tere naam kii)
- मइया अंजनी को लालो बड़ो प्यारो लागे (Maiya Anjani Ko Lalo Bado Pyaro Lage)
- संकट काटो बाबा (Sankat Kaaton Baba)
- बाबा का दरबार सुहाना लगता है
- कितना प्यारा तुझे भक्तोँ ने सजाया (Kitna Pyara Tujhe Bhakto Ne Sajaya)
- लूंगा मैं तुम्हारा नाम मेरा काम करवा दे (Lunga Main Tera Maam Mera Kaam Karwade)
- जय बालाजी जय श्री श्याम (Jai Balaji Jai Shri Shyam)
- हनुमान तुम्हारा क्या कहना लिरिक्स (Hanuman Tumhara Kya Kehna Lyrics)
- मेरी सुन लो मारुती नंदन (Meri Sun Lo Maruti Nandan)
अगर आपको यह भजन अच्छा लगा हो तो कृपया इसे अन्य लोगो तक साझा करें।
