सुन्दरकाण्ड दोहा हिंदी में (Sundarkand Doha Lyrics In Hindi)
॥ दोहा 43 ॥
सरनागत कहुँ जे तजहिं निज अनहित अनुमानि, ते नर पावँर पापमय तिन्हहि बिलोकत हानि।
॥ चौपाई ॥
कोटि बिप्र बध लागहिं जाहू। आएँ सरन तजउँ नहिं ताहू॥
सनमुख होइ जीव मोहि जबहीं। जन्म कोटि अघ नासहिं तबहीं॥
पापवंत कर सहज सुभाऊ। भजनु मोर तेहि भाव न काऊ॥
जौं पै दुष्ट हृदय सोइ होई। मोरें सनमुख आव कि सोई॥
निर्मल मन जन सो मोहि पावा। मोहि कपट छल छिद्र न भावा॥
भेद लेन पठवा दससीसा। तबहुँ न कछु भय हानि कपीसा॥
जग महुँ सखा निसाचर जेते। लछिमनु हनइ निमिष महुँ तेते॥
जौं सभीत आवा सरनाईं। रखिहउँ ताहि प्रान की नाईं॥
॥ दोहा 44 ॥
उभय भाँति तेहि आनहु हँसि कह कृपानिकेत, जय कृपाल कहि कपि चले अंगद हनू समेत।
॥ चौपाई ॥
सादर तेहि आगें करि बानर। चले जहाँ रघुपति करुनाकर॥
दूरिहि ते देखे द्वौ भ्राता। नयनानंद दान के दाता॥
बहुरि राम छबिधाम बिलोकी। रहेउ ठटुकि एकटक पल रोकी॥
भुज प्रलंब कंजारुन लोचन। स्यामल गात प्रनत भय मोचन॥
सघ कंध आयत उर सोहा। आनन अमित मदन मन मोहा॥
नयन नीर पुलकित अति गाता। मन धरि धीर कही मृदु बाता॥
नाथ दसानन कर मैं भ्राता। निसिचर बंस जनम सुरत्राता॥
सहज पापप्रिय तामस देहा। जथा उलूकहि तम पर नेहा॥
॥ दोहा 45 ॥
श्रवन सुजसु सुनि आयउँ प्रभु भंजन भव भीर, त्राहि त्राहि आरति हरन सरन सुखद रघुबीर।
॥ चौपाई ॥
अस कहि करत दंडवत देखा। तुरत उठे प्रभु हरष बिसेषा॥
दीन बचन सुनि प्रभु मन भावा। भुज बिसाल गहि हृदयँ लगावा॥
अनुज सहित मिलि ढिग बैठारी। बोले बचन भगत भय हारी॥
कहु लंकेस सहित परिवारा। कुसल कुठाहर बास तुम्हारा॥
खल मंडली बसहु दिनु राती। सखा धरम निबहइ केहि भाँती॥
मैं जानउँ तुम्हारि सब रीती। अति नय निपुन न भाव अनीती॥
बरु भल बास नरक कर ताता। दुष्ट संग जनि देइ बिधाता॥
अब पद देखि कुसल रघुराया। जौं तुम्ह कीन्हि जानि जन दाया॥
॥ दोहा 46 ॥
तब लगि कुसल न जीव कहुँ सपनेहुँ मन बिश्राम, जब लगि भजत न राम कहुँ सोक धाम तजि काम।
॥ चौपाई ॥
तब लगि हृदयँ बसत खल नाना। लोभ मोह मच्छर मद माना॥
जब लगि उर न बसत रघुनाथा। धरें चाप सायक कटि भाथा॥
ममता तरुन तमी अँधिआरी। राग द्वेष उलूक सुखकारी॥
तब लगि बसति जीव मन माहीं। जब लगि प्रभु प्रताप रबि नाहीं॥
अब मैं कुसल मिटे भय भारे। देखि राम पद कमल तुम्हारे॥
तुम्ह कृपाल जा पर अनुकूला। ताहि न ब्याप त्रिबिध भव सूला॥
मैं निसिचर अति अधम सुभाऊ। सुभ आचरनु कीन्ह नहिं काऊ॥
जासु रूप मुनि ध्यान न आवा। तेहिं प्रभु हरषि हृदयँ मोहि लावा॥
॥ दोहा 47 ॥
अहोभाग्य मम अमित अति राम कृपा सुख पुंज, देखेउँ नयन बिरंचि सिव सेब्य जुगल पद कंज।
॥ चौपाई ॥
सुनहु सखा निज कहउँ सुभाऊ। जान भुसुंडि संभु गिरिजाऊ॥
जौं नर होइ चराचर द्रोही। आवै सभय सरन तकि मोही॥
तजि मद मोह कपट छल नाना। करउँ सद्य तेहि साधु समाना॥
जननी जनक बंधु सुत दारा। तनु धनु भवन सुहृद परिवारा॥
सब कै ममता ताग बटोरी। मम पद मनहि बाँध बरि डोरी॥
समदरसी इच्छा कछु नाहीं। हरष सोक भय नहिं मन माहीं॥
अस सज्जन मम उर बस कैसें। लोभी हृदयँ बसइ धनु जैसें॥
तुम्ह सारिखे संत प्रिय मोरें। धरउँ देह नहिं आन निहोरें॥
॥ दोहा 48 ॥
सगुन उपासक परहित निरत नीति दृढ़ नेम, ते नर प्रान समान मम जिन्ह कें द्विज पद प्रेम।
॥ चौपाई ॥
सुनु लंकेस सकल गुन तोरें। तातें तुम्ह अतिसय प्रिय मोरें॥
राम बचन सुनि बानर जूथा। सकल कहहिं जय कृपा बरूथा॥
सुनत बिभीषनु प्रभु कै बानी। नहिं अघात श्रवनामृत जानी॥
पद अंबुज गहि बारहिं बारा। हृदयँ समात न प्रेमु अपारा॥
सुनहु देव सचराचर स्वामी। प्रनतपाल उर अंतरजामी॥
उर कछु प्रथम बासना रही। प्रभु पद प्रीति सरित सो बही॥
अब कृपाल निज भगति पावनी। देहु सदा सिव मन भावनी॥
एवमस्तु कहि प्रभु रनधीरा। मागा तुरत सिंधु कर नीरा॥
दपि सखा तव इच्छा नहीं। मोर दरसु अमोघ जग माहीं॥
अस कहि राम तिलक तेहि सारा। सुमन बृष्टि नभ भई अपारा॥
सुन्दरकाण्ड दोहा अंग्रेजी में (Sundarkand Doha Lyrics In English)
॥ Doha 43 ॥
Saranagat Kahun Je Tajahin Nij Anahit Anumani, Te Nar Pavankar Papmay Tinhih Bilokat Hani।
॥ Chaupai ॥
Koti Bipra Badh Lagahin Jahu। Aaen Saran Tajun Nahin Tahu॥
Sanmukh Hoi Jiv Mohi Jabahin। Janm Koti Agh Nasahin Tabahin॥
Papvant Kar Sahaj Subhau। Bhajanu Mor Tehi Bhav Na Kau॥
Jau Pai Dushth Hriday Soi Hoi। More Sanmukh Ava Ki Soi॥
Nirmal Man Jan So Mohi Pawa। Mohi Kapat Chhal Chhidr Na Bhava॥
Bhed Len Pathava Dasasisa। Tabahu Na Kachu Bhay Hani Kapisaa॥
Jag Mahu Sakha Nisachar Jete। Lachhimanu Hani Nimish Mahu Tete॥
Jau Sabhit Ava Saranai। Rakhihun Tahi Pran Ki Nai॥
॥ Doha 44 ॥
Ubhay Bhaanti Tehi Anahu Hasi Kaha Kripaniket, Jay Kripal Kahi Kapi Chale Angad Hanu Samet।
॥ Chaupai ॥
Sadar Tehi Aagen Kari Banar। Chale Jahan Raghupati Karunakar॥
Durihi Te Dekhe Dvau Bhrata। Nayananand Dan Ke Data॥
Bahuri Ram Chabidham Biloki। Raheu Thatuki Ektak Pal Roki॥
Bhuj Pralamb Kanjarun Lochan। Syamal Gat Pranat Bhay Mochan॥
Sagh Kandh Aayat Ur Soha। Aanan Amit Madan Man Moha॥
Nayan Nir Pulakit Ati Gata। Man Dhari Dheer Kahi Mridu Bata॥
Nath Dasanan Kar Main Bhrata। Nisichar Bans Janam Suratrat॥
Sahaj Papapriya Tamas Deha। Jatha Ulukahi Tam Par Neha॥
॥ Doha 45 ॥
Shravan Sujasu Suni Aayahun Prabhu Bhanjan Bhav Bhir, Trahi Trahi Arati Haran Saran Sukhad Raghubeer।
॥ Chaupai ॥
As Kahi Karat Dandavat Dekha। Turat Uthe Prabhu Harsha Bisesha॥
Deen Bachan Suni Prabhu Man Bhava। Bhuj Bisal Gahi Hriday Lagava॥
Anuj Sahit Mili Dhig Baithari। Bole Bachan Bhagat Bhay Hari॥
Kahu Lankes Sahit Parivara। Kusal Kuthahar Bas Tumhara॥
Khal Mandali Basahu Dinu Rati। Sakha Dharam Nibahai Kehi Bhaanti॥
Main Janu Tumhari Sab Riti। Ati Nay Nipun Na Bhav Aniti॥
Bharu Bhal Bas Narak Kar Tata। Dusht Sang Jani Dei Vidhata॥
Ab Pad Dekhi Kusal Raghuraya। Jau Tumh Kiinhi Jani Jan Daya॥
॥ Doha 46 ॥
Tab Lagi Kusal Na Jiv Kahun Sapnehu Man Bishram, Jab Lagi Bhajat Na Ram Kahun Sok Dham Taji Kam।
॥ Chaupai ॥
Tab Lagi Hriday Basat Khal Nana। Lobh Moh Machchar Mad Mana॥
Jab Lagi Ur Na Basat Raghunatha। Dharen Chap Sayak Kati Bhatha॥
Mamata Tarun Tami Andhiyari। Rag Dwesh Uluk Sukhakari॥
Tab Lagi Basati Jiv Man Mahin। Jab Lagi Prabhu Prtap Rabi Nahin॥
Ab Main Kusal Mite Bhay Bhare। Dekhi Ram Pad Kamal Tumhare॥
Tumh Kripal Ja Par Anukula। Tahi Na Byap Tribidh Bhav Sola॥
Main Nisichar Ati Adham Subhau। Subh Aacharanu Kinhi Nahin Kau॥
Jasu Rup Muni Dhyan Na Ava। Tehin Prabhu Harashi Hriday Mohi Lava॥
॥ Doha 47 ॥
Aho Bhagya Mam Amit Ati Ram Kripa Sukh Punj, Dekheun Nayan Biranchi Siva Sebya Jugal Pad Kanj।
॥ Chaupai ॥
Sunu Sakha Nij Kahun Subhau। Jan Bhusundi Sambhu Girijaau॥
Jau Nar Hoi Charachar Drohi। Avai Sabhay Saran Taki Mohi॥
Taji Mad Moh Kapat Chhal Nana। Karau Sadya Tehi Sadhu Samana॥
Janani Janak Bandhu Sut Dara। Tanu Dhan Bhavan Suhrud Parivara॥
Sab Kai Mamata Tag Batori। Mam Pad Manahi Baandh Bari Dori॥
Samadarshi Ichha Kachu Nahin। Harsha Sok Bhay Nahin Man Mahin॥
As Sajjana Mam Ur Bas Kaisen। Lobhi Hriday Basai Dhanu Jaisen॥
Tumh Sarikhe Sant Priya More। Dhrau Deh Nahin Aan Nihore॥
॥ Doha 48 ॥
Sagun Upasak Parhit Nirat Niti Dridh Nem, Te Nar Pran Samaan Mam Jin Ke Dwij Pad Prem।
॥ Chaupai ॥
Sunu Lankes Sakal Gun Tore। Tate Tumh Atisay Priya More॥
Ram Bachan Suni Banar Jutha। Sakal Kahahin Jay Kripa Barutha॥
Sunat Vibhishanu Prabhu Ke Bani। Nahin Aghat Shravanamrit Jani॥
Pad Ambuj Gahi Barahin Bara। Hriday Samaat Na Prem Apara॥
Sunhu Dev Sacharachar Swami। Pranatpal Ur Antarjaami॥
Ur Kachu Pratham Basana Rahe। Prabhu Pad Preeti Sarit So Bahi॥
Ab Kripal Nij Bhakti Pavani। Dehu Sada Siva Man Bhavani॥
Evamastu Kahi Prabhu Ranadheera। Maga Turat Sindhu Kar Nira॥
Dapi Sakha Tav Ichha Nahin। Mor Darasu Amogh Jag Mahin॥
As Kahi Ram Tilak Tehi Sara। Suman Brishti Nabha Bhai Apara॥
Singer - Rasraj Ji Maharaj
और भी देखे :-
- हनुमान चालीसा तेलुगु (Hanuman Chalisa Telugu)
- सोने की लंका (Sone Ki Lanka)
- प्यारा बजरंगी (Pyara Bajrangi)
- ऐसा तेरा बल है बजरंग, कोई जान ना पाया है (Aisa Tera Bal Hai Bajrang, Koi Jaan Na Paya Hai)
- मेरी रक्षा करो बजरंगबली लिरिक्स (Meri Raksha Karo Bajrangbali Lyrics)
- जब पहुंचे हनुमत लंका (Jab Pahuche Hanumat Lanka)
- छम छम नाचे देखो वीर हनुमना (Chham Chham Naache Dekho Veer Hanumana)
- लाल ध्वजा
- मैया हमें भा गयो तेरो बजरंगी (Maiya Hame Bha Gayo Tero Bajrangi)
- ऑनलाइन बाला जी (Online Bala Ji)
अगर आपको यह भजन अच्छा लगा हो तो कृपया इसे अन्य लोगो तक साझा करें।
