सुन्दरकाण्ड दोहा हिंदी में (Sundarkand Doha Lyrics In Hindi)
॥ दोहा 55 ॥
सहज सूर कपि भालु सब पुनि सिर पर प्रभु राम, रावन काल कोटि कहुँ जीति सकहिं संग्राम।
॥ चौपाई ॥
राम तेज बल बुधि बिपुलाई। सेष सहस सत सकहिं न गाई॥
सक सर एक सोषि सत सागर। तव भ्रातहि पूँछेउ नय नागर॥
तासु बचन सुनि सागर पाहीं। मागत पंथ कृपा मन माहीं॥
सुनत बचन बिहसा दससीसा। जौं असि मति सहाय कृत कीसा॥
सहज भीरु कर बचन दृढ़ाई। सागर सन ठानी मचलाई॥
मूढ़ मृषा का करसि बड़ाई। रिपु बल बुद्धि थाह मैं पाई॥
सचिव सभीत बिभीषन जाकें। बिजय बिभूति कहाँ जग ताकें॥
सुनि खल बचन दूत रिस बाढ़ी। समय बिचारि पत्रिका काढ़ी॥
रामानुज दीन्हीं यह पाती। नाथ बचाइ जुड़ावहु छाती॥
बिहसि बाम कर लीन्हीं रावन। सचिव बोलि सठ लाग बचावन॥
॥ दोहा 56 ॥
बातन्ह मनहि रिझाइ सठ जनि घालसि कुल खीस, राम बिरोध न उबरसि सरन बिष्नु अज ईस॥(क)।
की तजि मान अनुज इव प्रभु पद पंकज भृंग, होहि कि राम सरानल खल कुल सहित पतंग॥(ख)॥
॥ चौपाई ॥
सुनत सभय मन मुख मुसुकाई। कहत दसानन सबहि सुनाई॥
भूमि परा कर गहत अकासा। लघु तापस कर बाग बिलासा॥
कह सुक नाथ सत्य सब बानी। समुझहु छाड़ि प्रकृति अभिमानी॥
सुनहु बचन मम परिहरि क्रोधा। नाथ राम सन तजहु बिरोधा॥
अति कोमल रघुबीर सुभाऊ। जद्यपि अखिल लोक कर राऊ॥
मिलत कृपा तुम्ह पर प्रभु करिही। उर अपराध न एकउ धरिही॥
जनकसुता रघुनाथहि दीजे। एतना कहा मोर प्रभु कीजे॥
जब तेहिं कहा देन बैदेही। चरन प्रहार कीन्ह सठ तेही॥
नाइ चरन सिरु चला सो तहाँ। कृपासिंधु रघुनायक जहाँ॥
करि प्रनामु निज कथा सुनाई। राम कृपाँ आपनि गति पाई॥
रिषि अगस्ति कीं साप भवानी। राछस भयउ रहा मुनि ग्यानी॥
बंदि राम पद बारहिं बारा। मुनि निज आश्रम कहुँ पगु धारा॥
॥ दोहा 57 ॥
बिनय न मानत जलधि जड़ गए तीनि दिन बीति, बोले राम सकोप तब भय बिनु होइ न प्रीति।
॥ चौपाई ॥
लछिमन बान सरासन आनू। सोषौं बारिधि बिसिख कृसानु॥
सठ सन बिनय कुटिल सन प्रीति। सहज कृपन सन सुंदर नीति॥
ममता रत सन ग्यान कहानी। अति लोभी सन बिरति बखानी॥
क्रोधिहि सम कामिहि हरिकथा। ऊसर बीज बएँ फल जथा॥
अस कहि रघुपति चाप चढ़ावा। यह मत लछिमन के मन भावा॥
संधानेउ प्रभु बिसिख कराला। उठी उदधि उर अंतर ज्वाला॥
मकर उरग झष गन अकुलाने। जरत जंतु जलनिधि जब जाने॥
कनक थार भरि मनि गन नाना। बिप्र रूप आयउ तजि माना॥
॥ दोहा 58 ॥
काटेहिं पइ कदरी फरइ कोटि जतन कोउ सींच, बिनय न मान खगेस सुनु डाटेहिं पइ नव नीच।
॥ चौपाई ॥
सभय सिंधु गहि पद प्रभु केरे। छमहु नाथ सब अवगुन मेरे॥
गगन समीर अनल जल धरनी। इन्ह कइ नाथ सहज जड़ करनी॥
तव प्रेरित मायाँ उपजाए। सृष्टि हेतु सब ग्रंथनि गाए॥
प्रभु आयसु जेहि कहँ जस अहई। सो तेहि भाँति रहें सुख लहई॥
प्रभु भल कीन्ह मोहि सिख दीन्हीं। मरजादा पुनि तुम्हरी कीन्हीं॥
ढोल गवाँर सूद्र पसु नारी। सकल ताड़ना के अधिकारी॥
प्रभु प्रताप मैं जाब सुखाई। उतरिहि कटकु न मोरि बड़ाई॥
प्रभु अग्या अपेल श्रुति गाई। करौं सो बेगि जो तुम्हहि सोहाई॥
॥ दोहा 59 ॥
सुनत बिनीत बचन अति कह कृपाल मुसुकाइ, जेहि बिधि उतरै कपि कटकु तात सो कहहु उपाइ।
॥ चौपाई ॥
नाथ नील नल कपि द्वौ भाई। लरिकाईं रिषि आसिष पाई॥
तिन्ह कें परस किएँ गिरि भारे। तरिहहिं जलधि प्रताप तुम्हारे॥
मैं पुनि उर धरि प्रभु प्रभुताई। करिहउँ बल अनुमान सहाई॥
एहि बिधि नाथ पयोधि बँधाइअ। जेहिं यह सुजसु लोक तिहुँ गाइअ॥
एहि सर मम उत्तर तट बासी। हतहु नाथ खल नर अघ रासी॥
सुनि कृपाल सागर मन पीरा। तुरतहिं हरी राम रनधीरा॥
देखि राम बल पौरुष भारी। हरषि पयोनिधि भयउ सुखारी॥
सकल चरित कहि प्रभुहि सुनावा। चरन बंदि पाथोधि सिधावा॥
॥ छन्द ॥
निज भवन गवनेउ सिंधु श्रीरघुपतिहि यह मत भायऊ, यह चरित कलि मल हर जथामति दास तुलसी गायऊ।
सुख भवन संसय समन दवन बिषाद रघुपति गुन गना, तजि सकल आस भरोस गावहि सुनहि संतत सठ मना॥
॥ दोहा 60 ॥
सकल सुमंगल दायक रघुनायक गुन गान, सादर सुनहिं ते तरहिं भव सिंधु बिना जलजान।
सुन्दरकाण्ड दोहा अंग्रेजी में (Sundarkand Doha Lyrics In English)
Doha 55:
Sahaj Soor Kapi Bhalu Sab Puni Sir Par Prabhu Ram, Ravan Kaal Koti Kahoon Jeeti Sakahi Sangraam.
Chaupai:
Ram Tej Bal Budhi Bipulaai. Sesh Sahas Sat Sakahi Na Gaai.
Sak Sar Ek Soshi Sat Saagar. Tav Bhratahi Poonchhau Nay Naagar.
Tasu Bachan Suni Saagar Paahi. Maagat Panth Kripa Man Maahi.
Sunat Bachan Bihasa Dasaseesaa. Jaun Asi Mati Sahaay Krit Keesaa.
Sahaj Bheeru Kar Bachan Driddhaai. Saagar San Thaani Machalaai.
Moodha Mrisha Ka Karasi Badaai. Ripu Bal Budhi Thaah Main Paai.
Sachiv Sabheet Vibhishan Jaaken. Vijay Vibhooti Kahan Jag Taaken.
Suni Khal Bachan Doot Ris Baadhi. Samay Bichaari Patrika Kaadhi.
Ramanuj Deeni Yeh Paatee. Nath Bachaai Judavahu Chaatee.
Bihasi Baam Kar Leeni Ravan. Sachiv Boli Sath Laag Bachavan.
Doha 56:
Baatnahi Manahi Rizhai Sath Jani Ghaalasi Kul Khees, Ram Birodh Na Ubarasi Saran Vishnu Aja Is. (Ka).
Ki Taji Maan Anuj Iv Prabhu Pad Pankaj Bhring, Hohi Ki Ram Saraanal Khal Kul Sahit Patang. (Kha).
Chaupai:
Sunat Sabhay Man Mukh Musukaai. Kahat Dasanan Sabahi Sunaai.
Bhumi Para Kar Gahat Akaasa. Laghu Tapas Kar Baag Bilaasa.
Kah Sukh Nath Satya Sab Baani. Samujhahu Chhadi Prakriti Abhimaani.
Sunahu Bachan Mam Parihari Krodha. Nath Ram San Tajahu Birodha.
Ati Komal Raghubir Subhaau. Jadypi Akhil Lok Kar Rau.
Milat Kripa Tumh Par Prabhu Karihi. Ur Apraad Na Ekau Dharahi.
Janakasuta Raghunathahi Deeje. Etana Kaha Mor Prabhu Kije.
Jab Tehi Kaha Dena Baidheehi. Charan Prahara Kiin Sath Tehi.
Nai Charan Sir Chala So Tahaan. Kripa Sindhu Raghunayak Jahaan.
Kari Pranaam Nij Katha Sunaai. Ram Kripaan Aapani Gati Paai.
Rishi Agasti Keem Saap Bhavani. Raakhas Bhayu Raha Muni Gyaani.
Bandi Ram Pad Barahi Baara. Muni Nij Aashram Kahoon Pagu Dhaara.
Doha 57:
Binay Na Maanat Jaladhi Jar Gaye Teeni Din Beeti, Bole Ram Sakop Tab Bhay Binu Hoi Na Preeti.
Chaupai:
Lakshman Baan Saraasan Aanu. Soshaun Baridhi Bisikh Krisaanu.
Sath San Binay Kutil San Preeti. Sahaj Kripan San Sundar Neeti.
Mamata Rat San Gyaan Kahani. Ati Lobhi San Birati Bakhani.
Krodhihi Sam Kaamhi Hari Katha. Uusar Beej Bae Phal Jatha.
As Kahi Raghubati Chaap Chadhava. Yeh Mat Lakshman Ke Man Bhava.
Sandhaneu Prabhu Bisikh Karaala. Uthi Udhdhi Ur Antar Jwala.
Makar Urag Jhash Gan Akulaane. Jarat Jantu Jalanidhi Jab Jaane.
Kanak Thaar Bhari Mani Gan Naana. Bipra Roop Aayu Taj Manaa.
Doha 58:
Kaatehi Pai Kadari Pharai Koti Jatan Kou Seench, Binay Na Maan Khages Sunu Daatehi Pai Nav Neec.
Chaupai:
Sabhay Sindhu Gah Pad Prabhu Kere. Chhamahu Nath Sab Avgun Mere.
Gagan Sameer Anal Jal Dharni. Inh Kai Nath Sahaj Jad Karni.
Tav Prerit Maayaan Upajaaye. Srishti Hetu Sab Granthani Gaaye.
Prabhu Aayas Jehi Kahan Jas Ahee. So Tehi Bhaanti Rahe Sukh Lahee.
Prabhu Bhal Keenhi Mohi Sikh Deeni. Marjaada Puni Tumhari Keeni.
Dhol Gavaar Sudra Pasu Naari. Sakal Taadna Ke Adhikaari.
Prabhu Prataap Main Jaab Sukhaai. Utrihu Katak Nu Mori Badaai.
Prabhu Agya Apel Shruti Gaai. Karun So Begi Jo Tumahi Sohai.
Doha 59:
Sunat Bineet Bachan Ati Kaha Kripaal Musukaai, Jehi Bidhi Utrai Kapi Katak Taat So Kahu Upaai.
Chaupai:
Nath Neel Nal Kapi Dvau Bhaai. Larikaai Rishi Aashish Paai.
Tinh Ke Paras Kiye Gir Bhaare. Tarihahi Jaladhi Prataap Tumhaare.
Main Puni Ur Dhar Prabhu Prabhutaai. Karihau Bal Anumaan Sahaai.
Ehi Bidhi Nath Payodhi Bandhaai. Jehin Yeh Sujasu Lok Tiho Gaai.
Ehi Sar Mam Uttar Tat Baasi. Hatahu Nath Khal Nar Agh Raasi.
Suni Kripaal Saagar Man Peera. Turatahi Hari Ram Randheera.
Dekhi Ram Bal Paurush Bhaari. Harashi Payonidhi Bhayu Sukhaari.
Sakal Charit Kahi Prabuhi Sunaava. Charan Bandi Pathodhi Sidhaava.
Chhand:
Nij Bhavan Gavaneu Sindhu Shri Raghubatihi Yeh Mat Bhaayu, Yeh Charit Kali Mal Har Jatha Mati Daas Tulsii Gaayu.
Sukh Bhavan Sansay Saman Davan Bishaad Raghubati Gun Gana, Taji Sakal Aas Bharosa Gavaahi Sunahi Santat Sath Manaa.
Doha 60:
Sakal Sumangal Daayak Raghunayak Gun Gaan, Saadar Sunahi Te Tarahi Bhav Sindhu Bina Jal Jaan.
Singer - Rasraj Ji Maharaj
और भी देखे :-
- बस इतनी तमन्ना है महावीर तुम्हे देखूं (Bas Itni Tamanna Hai Mahaveer Tumhe Dekhu)
- माँ अंजनी के लाल, कलयुग कर दियो निहाल (Maa Anjani Ke Lal Kalyug Kar Diyo Nihaal)
- बजरंग पड़े हुए है
- मेरे खटक लाग गी तेरी (Mere Khatak Lag Gi Teri)
- आया जन्म दिन बाला (Aaya Jamandin Bala Ka)
- आज हनुमान जयंती है (Aaj Hanuman Jayanti Hai)
- भक्तो का रखवाला (Bhakto Ka Rakhwala)
- काहे गरजे लिरिक्स (Kahe Garaj Lyrics)
- गरजे लंका में हनुमान (Garje Lanka Me Hanuman)
- तू जाने तेरो काम जाने (Tu Jaane Tero Kaam Jaane)
अगर आपको यह भजन अच्छा लगा हो तो कृपया इसे अन्य लोगो तक साझा करें।
