सुन्दरकाण्ड दोहा हिंदी में (Sundarkand Doha Lyrics In Hindi)
॥ दोहा 7 ॥
अस मैं अधम सखा सुनु मोहू पर रघुबीर, कीन्हीं कृपा सुमिरि गुन भरे बिलोचन नीर।
॥ चौपाई ॥
जानतहूँ अस स्वामि बिसारी। फिरहिं ते काहे न होहिं दुखारी॥
एहि बिधि कहत राम गुन ग्रामा। पावा अनिर्बाच्य बिश्रामा॥
पुनि सब कथा बिभीषन कही। जेहि बिधि जनकसुता तहँ रही॥
तब हनुमंत कहा सुनु भ्राता। देखी चहउँ जानकी माता॥
जुगुति बिभीषन सकल सुनाई। चलेउ पवन सुत बिदा कराई॥
करि सोइ रूप गयउ पुनि तहवाँ। बन असोक सीता रह जहवाँ॥
देखि मनहि महुँ कीन्ह प्रनामा। बैठेहिं बीति जात निसि जामा॥
कृस तनु सीस जटा एक बेनी। जपति हृदयँ रघुपति गुन श्रेनी॥
॥ दोहा 8 ॥
निज पद नयन दिएँ मन राम पद कमल लीन, परम दुखी भा पवनसुत देखि जानकी दीन।
॥ चौपाई ॥
तरु पल्लव महँ रहा लुकाई। करइ बिचार करौं का भाई॥
तेहि अवसर रावनु तहँ आवा। संग नारि बहु किएँ बनावा॥
बहु बिधि खल सीतहि समुझावा। साम दान भय भेद देखावा॥
कह रावनु सुनु सुमुखि सयानी। मंदोदरी आदि सब रानी॥
तव अनुचरीं करउँ पन मोरा। एक बार बिलोकु मम ओरा॥
तृन धरि ओट कहति बैदेही। सुमिरि अवधपति परम सनेही॥
सुनु दसमुख खद्योत प्रकासा। कबहुँ कि नलिनी करइ बिकासा॥
अस मन समुझु कहति जानकी। खल सुधि नहिं रघुबीर बान की॥
सठ सूनें हरि आनेहि मोही। अधम निलज्ज लाज नहिं तोही॥
॥ दोहा 9 ॥
आपुहि सुनि खद्योत सम रामहि भानु समान, परुष बचन सुनि काढ़ि असि बोला अति खिसिआन।
॥ चौपाई ॥
सीता तैं मम कृत अपमाना।। कटिहउँ तव सिर कठिन कृपाना॥
नाहिं त सपदि मानु मम बानी। सुमुखि होति न त जीवन हानी॥
स्याम सरोज दाम सम सुंदर। प्रभु भुज करि कर सम दसकंधर॥
सो भुज कंठ कि तव असि घोरा। सुनु सठ अस प्रवान पन मोरा॥
चन्द्रहास हरु मम परितापं। रघुपति बिरह अनल संजातं॥
सीतल निसित बहसि बर धारा। कह सीता हरु मम दुख भारा॥
सुनत बचन पुनि मारन धावा। मयतनयाँ कहि नीति बुझावा॥
कहेसि सकल निसिचरिन्ह बोलाई। सीतहि बहु बिधि त्रासहु जाई॥
मास दिवस महुँ कहा न माना। तौ मैं मारबि काढ़ि कृपाना॥
॥ दोहा 10 ॥
भवन गयउ दसकंधर इहाँ पिसाचिनि बृंद, सीतहि त्रास देखावहिं धरहिं रूप बहु मंद।
॥ चौपाई ॥
त्रिजटा नाम राच्छसी एका। राम चरन रति निपुन बिबेका॥
सबन्हौ बोलि सुनाएसि सपना। सीतहि सेइ करहु हित अपना॥
सपनें बानर लंका जारी। जातुधान सेना सब मारी॥
खर आरूढ़ नगन दससीसा। मुंडित सिर खंडित भुज बीसा॥
एहि बिधि सो दच्छिन दिसि जाई। लंका मनहुँ बिभीषन पाई॥
नगर फिरी रघुबीर दोहाई। तब प्रभु सीता बोलि पठाई॥
यह सपना मैं कहउँ पुकारी। होइहि सत्य गएँ दिन चारी॥
तासु बचन सुनि ते सब डरीं। जनकसुता के चरनन्हि परीं॥
॥ दोहा 11 ॥
जहँ तहँ गईं सकल तब सीता कर मन सोच, मास दिवस बीतें मोहि मारिहि निसिचर पोच।
॥ चौपाई ॥
त्रिजटा सन बोलीं कर जोरी। मातु बिपति संगिनि तैं मोरी॥
तजौं देह करु बेगि उपाई। दुसह बिरहु अब नहिं सहि जाई॥
आनि काठ रचु चिता बनाई। मातु अनल पुनि देहि लगाई॥
सत्य करहि मम प्रीति सयानी। सुनै को श्रवन सूल सम बानी॥
सुनत बचन पद गहि समुझाएसि। प्रभु प्रताप बल सुजसु सुनाएसि॥
निसि न अनल मिल सुनु सुकुमारी। अस कहि सो निज भवन सिधारी॥
कह सीता बिधि भा प्रतिकूला। मिलिहि न पावक मिटिहि न सूला॥
देखिअत प्रगट गगन अंगारा। अवनि न आवत एकउ तारा॥
पावकमय ससि स्रवत न आगी। मानहुँ मोहि जानि हतभागी॥
सुनहि बिनय मम बिटप असोका। सत्य नाम करु हरु मम सोका॥
नूतन किसलय अनल समाना। देहि अगिनि जनि करहि निदाना॥
देखि परम बिरहाकुल सीता। सो छन कपिहि कलप सम बीता॥
॥ दोहा 12 ॥
कपि करि हृदयँ बिचार दीन्हि मुद्रिका डारि तब, जनु असोक अंगार दीन्ह हरषि उठि कर गहेउ।
॥ चौपाई ॥
तब देखी मुद्रिका मनोहर। राम नाम अंकित अति सुंदर॥
चकित चितव मुदरी पहिचानी। हरष बिषाद हृदयँ अकुलानी॥
जीति को सकइ अजय रघुराई। माया तें असि रचि नहिं जाई॥
सीता मन बिचार कर नाना। मधुर बचन बोलेउ हनुमाना॥
रामचन्द्र गुन बरनैं लागा। सुनतहिं सीता कर दुख भागा॥
लागीं सुनैं श्रवन मन लाई। आदिहु तें सब कथा सुनाई॥
श्रवनामृत जेहिं कथा सुहाई। कही सो प्रगट होति किन भाई॥
तब हनुमंत निकट चलि गयऊ। फिरि बैठीं मन बिसमय भयऊ॥
राम दूत मैं मातु जानकी। सत्य सपथ करुनानिधान की॥
यह मुद्रिका मातु मैं आनी। दीन्हि राम तुम्ह कहँ सहिदानी॥
नर बानरहि संग कहु कैसें। कही कथा भइ संगति जैसें॥
सुन्दरकाण्ड दोहा अंग्रेजी में (Sundarkand Doha Lyrics In English)
॥ Dohaa 7 ॥
As Main Adham Sakha Sunu Mohu Par Raghubeer, Keenhi Kripa Sumiri Gun Bhare Bilocan Neer।
॥ Chaupai ॥
Janatahu As Swami Bisari। Firahin Te Kahe Na Hohin Dukhaari॥
Ehi Bidhi Kahat Raam Gun Graama। Paava Anirbaachya Bishraama॥
Puni Sab Katha Bibheeshan Kahi। Jehi Bidhi Janakasuta Tahan Rahi॥
Tab Hanumant Kaha Sunu Bhrata। Dekhi Chahoun Janaki Maata॥
Juguti Bibheeshan Sakal Sunaai। Chaleu Pavan Sut Bida Karaai॥
Kari Soi Roop Gayau Puni Tahavaan। Ban Asoka Seeta Raha Jahavaan॥
Dekhi Manahi Mahun Kinha Pranaama। Baitehin Beeti Jaata Nisi Jaama॥
Kris Tanu Seesa Jata Ek Beni। Japati Hridaya Raghupati Gun Shreni॥
॥ Dohaa 8 ॥
Nij Pad Nayan Diye Man Raam Pad Kamal Leen, Param Dukhi Bhaa Pavansut Dekhi Janaki Deen।
॥ Chaupai ॥
Taru Pallav Mahan Raha Lukaai। Karai Bichaar Karoun Ka Bhaai॥
Teahi Avasar Raavanu Tahan Aavaa। Sang Naari Bahu Kiye Banaavaa॥
Bahu Bidhi Khal Seetahi Samujaavaa। Saama Daan Bhay Bhed Dekhaavaa॥
Kah Raavanu Sunu Sumukhi Sayaani। Mandodari Aadi Sab Raani॥
Tav Anuchareen Karoun Pan Mora। Ek Baar Biloku Mam Ora॥
Trin Dhari Ot Kahati Baidehi। Sumiri Avadhapati Param Sanehi॥
Sunu Dasamukh Khadyot Prakasaa। Kabahum Ki Nalini Karai Bikaasaa॥
As Man Samujhu Kahati Janaki। Khal Sudhi Nahin Raghubeer Baan Ki॥
Sath Soonen Hari Aanehi Mohi। Adham Nilajj Laaj Nahin Tohi॥
॥ Dohaa 9 ॥
Aapuhi Suni Khadyot Sam Raamhi Bhaanu Samaan, Parush Bachan Suni Kaadhi Asi Bola Ati Khisyaan।
॥ Chaupai ॥
Seeta Tain Mam Krit Apamaana। Katihun Tav Sir Kathin Kripaana॥
Naahin Ta Sapadi Maanu Mam Baani। Sumukhi Hoti Na Ta Jeevan Haani॥
Syaam Saroj Daam Sam Sundar। Prabhu Bhuj Kari Kar Sam Dasakandhar॥
So Bhuj Kanth Ki Tav As Ghoraa। Sunu Sath As Pravaan Pan Mora॥
Chandrahaas Haru Mam Paritaapam। Raghupati Birah Anal Sanjaatam॥
Seetal Nisit Bahasi Bar Dhaara। Kaha Seeta Haru Mam Dukh Bhaara॥
Sunat Bachan Puni Maran Dhaavaa। Mayatanaayen Kahi Neeti Bujhaavaa॥
Kahesi Sakal Nisicharinh Bolaai। Seetahi Bahu Bidhi Traasahu Jaai॥
Maas Divas Mahun Kaha Na Maanaa। Tau Main Maarabi Kaadhi Kripaana॥
॥ Dohaa 10 ॥
Bhavan Gayau Dasakandhar Ihaan Pisaachini Brind, Seetahi Traas Dekhavahin Dharahi Roop Bahu Mand।
॥ Chaupai ॥
Trijata Naam Raakshasi Eka। Raam Charan Rati Nipun Bibeka॥
Sabanhau Boli Sunaayesi Sapnaa। Seetahi Sei Karahu Hit Apnaa॥
Sapnein Baanar Lanka Jaari। Jaatudhaan Sena Sab Maari॥
Khar Aaroodh Nagan Dasaseesaa। Mundit Sir Khandit Bhuj Beesaa॥
Ehi Bidhi So Dachchin Disi Jaai। Lanka Manahu Bibheeshan Paai॥
Nagar Phiree Raghubeer Dohaai। Tab Prabhu Seeta Boli Pathaai॥
Yah Sapna Main Kahu Pukaari। Hoihi Satya Gayen Din Chaari॥
Taasu Bachan Suni Te Sab Dari। Janakasuta Ke Charananhi Pari॥
॥ Dohaa 11 ॥
Jahin Tahan Gaee Sakal Tab Seeta Kar Man Soch, Maas Divas Beetein Mohi Maarihin Nisichar Poch।
॥ Chaupai ॥
Trijata Suni Boli Kar Jori। Maatu Bipati Sangini Tain Mori॥
Tajau Deh Karu Begi Upaai। Dusah Birahu Ab Nahin Sahi Jaai॥
Aani Kaath Rachu Chita Banaai। Maatu Anal Puni Dehi Lagaai॥
Satya Karahi Mam Preeti Sayaani। Sunai Ko Shravan Sool Sam Baani॥
Sunat Bachan Pad Gahi Samujhaaes। Prabhu Pratap Bal Sujasu Sunaayesi॥
Nisi Na Anal Mil Sunu Sukumaari। As Kahi So Nij Bhavan Sidhaari॥
Kah Seeta Bidhi Bhaa Pratikoolaa। Milihi Na Paavak Mitihi Na Soolaa॥
Dekhiat Pragat Gagan Angaaraa। Avani Na Aavat Ekau Taaraa॥
Paavakmay Sasi Sravat Na Aagee। Maanahu Mohi Jaani Hathabhaagee॥
Sunahi Binay Mam Bitap Asoka। Satya Naam Karu Haru Mam Soka॥
Nootan Kislai Anal Samaanaa। Dehi Agini Jani Karahi Nidaanaa॥
Dekhi Param Birahakula Seeta। So Chan Kapahi Kalap Sam Beeta॥
॥ Dohaa 12 ॥
Kapi Kari Hridayam Bichaar Deenhi Mudrika Dari Tab, Janu Asoka Angaar Deenhi Harashi Uthi Kar Gaheu।
॥ Chaupai ॥
Tab Dekhi Mudrika Manohar। Raam Naam Ankita Ati Sundar॥
Chakit Chitava Mudaree Pahichaani। Harsha Bishaad Hridayam Akulaani॥
Jeeti Ko Sakai Ajay Raghu Raai। Maya Te As Rachi Nahin Jaai॥
Seeta Man Bichaar Kar Nanaa। Madhur Bachan Boleu Hanumanaa॥
Raamchandra Gun Baranai Laagaa। Sunatahin Seeta Kar Dukh Bhaagaa॥
Laagi Sunain Shravan Man Laai। Aadihu Te Sab Katha Sunaai॥
Shravanaamrit Jehi Katha Suhaai। Kahi So Pragat Hoti Kin Bhaai॥
Tab Hanumant Nikat Chali Gayau। Phiri Baithein Man Bismay Bhayau॥
Raam Doot Main Maatu Janaki। Satya Sapath Karunaanidhaan Ki॥
Yah Mudrika Maatu Main Aani। Deeni Raam Tumh Kahan Sahidaani॥
Nar Baanarahi Sang Kahu Kaisen। Kahi Katha Bhai Sangati Jaisen॥
Singer - Rasraj Ji Maharaj
और भी देखे :-
- हनुमान जोहड़ी जाऊंगा (Hanuman Johdi Jaunga)
- राम भक्त (Ram Bhakt)
- उठो हे पवनपुत्र लिरिक्स (Utho Hey Pawanputra Lyrics)
- कामना हृदय की सुना के देख् ले (Kamna Hriday Ki Suna Ke Dekh Le)
- मेरे छोटे से बजरंगी (Mere Chote Se Bajrangi)
- भक्तों में भक्त बड़े मेरे बजरंग बाला (Bhakto Me Bhakt Bade Mere Bajrang Bala)
- मंगल मूरति मारुती नंदन (Mangal Murti Maruti Nandan)
- सिया से कहे हनुमाना रे (Siya Se Kahe Hanumana Re)
- तुम्हारी जय हो वीर हनुमान (Tumhari Jai Ho Veer Hanuman)
- सच्ची है तेरी भक्ति (Sacchi Hai Teri Bhakti)
अगर आपको यह भजन अच्छा लगा हो तो कृपया इसे अन्य लोगो तक साझा करें।
